Web Desk

ന്യൂഡൽഹി

January 14, 2020, 2:27 pm

നിർഭയ പ്രതികൾക്ക് വധശിക്ഷ തന്നെ

Janayugom Online

നിർഭയ കേസിൽ പ്രതികൾ സുപ്രീം കോടതിയിൽ നൽകിയ തിരുത്തൽ ഹർജി ചീഫ് ജസ്റ്റിസ് തള്ളി. വിനയ് ശർമ്മ , മുകേഷ് സിങ് എന്നിവരുടെ ഹർജികളാണ് തള്ളിയത്.ഇനി രാഷ്ട്രപതിക്ക് ദയ ഹർജി നൽകാൻ പ്രതികൾക്ക് അവസരമുണ്ട്. ഇതും തള്ളിയാൽ വധശിക്ഷ നടപ്പാക്കാനുള്ള എല്ലാ നിയമ തടസ്സങ്ങളും നീങ്ങും.

കേസിലെ നാല് പ്രതികളുടെയും വധശിക്ഷ ജനുവരി 22ന് രാവിലെ 7 മണിക്ക് നടപ്പാക്കാൻ ഡൽഹി പട്യാലഹൗസ് കോടതി ഉത്തരവിട്ടിരുന്നു. ഇതിന് പിന്നാലെയാണ് രണ്ട് പ്രതികൾ തിരുത്തൽ ഹർജികൾ നൽകിയത്.

അക്ഷയ് സിംഗ്, വിനയ് ശര്‍മ്മ, പവന്‍ ഗുപ്ത, മുകേഷ് എന്നിവരെയാണ് തൂക്കിലേറ്റാൻ പോകുന്നത്. കുറ്റവാളികളെ തൂക്കിക്കൊല്ലുന്നതിന് മുന്നോടിയായി തിഹാർ ജയിലിൽ ജനുവരി 12ന് ഡമ്മി പരീക്ഷണം നടത്തിയിരുന്നു. കല്ലും മണ്ണൂ നിറച്ച് ഓരോ പ്രതിയുടെയും തൂക്കത്തിനനുസരിച്ച് തയ്യാറാക്കിയ ചാക്കുകൾ തൂക്കി നോക്കിയാണ് ഡമ്മി പരീക്ഷണം നടത്തിയത്.

Eng­lish sum­ma­ry: Supreme court rejects nirb­haya case con­victs cura­tive petitions

YOU MAY ASO LIKE THIS VIDEO