അനസ്തേഷ്യ ഇല്ലാതെ ശസ്ത്രക്രിയ നടത്തി മെഡിക്കൽ കോളജ്. കോട്ടയം മെഡിക്കൽ കോളജ് എവേയ്ക്ക് ക്രീനിയോട്ടമി രീതിയൽ രണ്ട് ശസ്ത്രക്രിയകളാണ് നടത്തി വിജയമായത്. രോഗിയെ മയക്കാതെ തന്നെ തലച്ചോറിലെ മുഴ നീക്കി.കോട്ടയം മെഡിക്കൽ കോളജിലെ ന്യൂറോ സർജറി വിഭാഗത്തിൽ ബുധൻ, വ്യാഴം ദിവസങ്ങളിലാണ് രണ്ടു രോഗികളിൽ ഇപ്രകാരം ശസ്ത്രക്രിയ നടത്തിയെതെന്ന് ന്യൂറോ വിഭാഗം മേധാവി ഡോ. പി കെ ബാലകൃഷ്ണൻ അറിയിച്ചു.
രോഗികളുടെ ആരോഗ്യനില തൃപ്തികരമാണന്നും അദ്ദേഹം പറഞ്ഞു.ഒരു വർഷം മുൻപ് കോട്ടയം മെഡിക്കൽ കോളജിൽ ഇത്തരത്തിെലൊരു ശസ്ത്രക്രിയ നടത്തിയിരുന്നു. എവേയ്ക്ക് ക്രീനി യോട്ടമി എന്നാണ് ഈ സർജറിയുടെ പേരെന്ന് അദ്ദേഹം പറഞ്ഞു.രോഗിയെ മയക്കാതെ ശസ്ത്രക്രിയ നടത്തുന്ന ഭാഗം മാത്രം മരപ്പിച്ചു ശസ്ത്രക്രിയക്കിടയിൽ രോഗിക്ക് കൈ കാലുകൾ അനക്കാനും സംസാരിക്കാനും സാധിക്കും.
അവയവങ്ങൾക്ക് പ്രശ്നങ്ങളുണ്ടായാതിരിക്കാൻ ഈ സമ്പ്രദായം ഏറെ ഫലപ്രദമാണ്. ബുധനാഴ്ച കടുത്തുരുത്തി സ്വദേശി പീറ്റർ (46) നും വ്യാഴാഴ്ച കൊടുങ്ങല്ലൂർ സ്വദേശി പ്രിൻസ് (49) നുമാണ് ശസ്ത്രക്രിയ നടത്തിയത്. ന്യൂറോ വിഭാഗം മേധാവി ഡോ. പി കെ ബാലകൃഷ്ണൻ, ഡോ. ടിനു രവി എബ്രഹാം, ഡോ.ഷാജു മാത്യൂ , ഡോ.വിനു വി, ഗോപാൽ ഡോ. ഫിലിപ് ഐസക് , ഡോ. ജിയോപോൾ, ഡോ. ഇർഫാൻ മുഹമ്മദ്, ഡോ.ഹാരീസ്, ഡോ. പാർത്ഥ്വാല , എന്നിവരാണ് രണ്ട് ശസ്ത്രക്രിയകളും നടത്തിയത്.
English Summary: Surgery without anesthesia: A great achievement for Kottayam Medical College
You may like this video also
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.