Web Desk

ന്യൂഡൽഹി

September 12, 2020, 10:42 pm

സ്വാമി അഗ്നിവേശിന് അന്ത്യാഞ്ജലി അർപ്പിച്ചു

Janayugom Online

കഴിഞ്ഞ ദിവസം അന്തരിച്ച സ്വാമി അഗ്നിവേശിന് സിപിഐ ജനറൽ സെക്രട്ടറി ഡി രാജ, സംസ്ഥാന സെക്രട്ടറി ദിനേഷ് ചന്ദ്ര വാർഷ്നെ എന്നിവർ അന്ത്യാഞ്ജലി അർപ്പിച്ചു. മൃതദേഹം പൊതുദർശനത്തിന് വച്ച സ്വാമി അഗ്നിവേശിന്റെ ജന്തർമന്ദറിലെ ഓഫീസിലെത്തിയായിരുന്നു അന്തിമോപചാരമർപ്പിച്ചത്.

സ്വാമി അഗ്നിവേശ് സിപിഐയുമായി അടുത്ത ബന്ധം സൂക്ഷിച്ചിരുന്നുവെന്ന് രാജ അനുശോചന സന്ദേശത്തിൽ പറഞ്ഞു. കരാർ തൊഴിലാളികൾക്കുവേണ്ടി നിലയുറപ്പിച്ച അദ്ദേഹം വർഗീയതക്കെതിരായ പോരാട്ടത്തിൽ മതേതര ജനാധിപത്യ പ്രസ്ഥാനങ്ങൾക്കൊപ്പം അണിനിരന്നു. അതുകൊണ്ട് തന്നെ വലതുപക്ഷ പിന്തിരിപ്പൻ ശക്തികളുടെ ആക്രമണത്തിന് അദ്ദേഹം പലതവണ ഇരയായി. ഭരണഘടനയും മതേതരത്വവും സംരക്ഷിക്കാനുള്ള അദ്ദേഹത്തിന്റെ ദൃഢനിശ്ചയം എക്കാലവും ഓർമ്മിക്കപ്പെടുമെന്ന് രാജ അനുശോചന സന്ദേശത്തിൽ പറഞ്ഞു.

Eng­lish sum­ma­ry: D Raja offered last obei­sances to Swa­mi Agnivesh

You may also like this video;