December 3, 2022 Saturday

സ്വാതന്ത്ര്യം

സീതാദേവി കര്യാട്ട്
August 28, 2022 11:34 am

വനത്തിലേക്ക് പറക്കുവാൻ
മനസ്സ് വെമ്പുന്നു
തീ പിടിച്ചൊരീ
ചിറകുമായെങ്ങനെ?
നിറകൺ മുന്നിലി ചുവന്ന
പ്രളയക്കടൽ
പറന്നു താണ്ടുവതെങ്ങനെ
പ്രാണനെടുക്കുമീ തീ ചുമന്നെത്ര നാൾ
എത്ര കാതമോ ?
കാൺമതുണ്ടകലെ പണ്ട്
നമ്മൾ ചിറകൊതുക്കിയ പൂമരം
കൊക്കുരുമ്മിയ ചില്ലകൾ
ചേർന്നു പങ്കിട്ട കായ്കനി
ദാഹമകറ്റിയ ചോലകൾ
കാറ്റ്പുൽകിയ മർമ്മരം,
കേട്ട് മയങ്ങിയ ഈണവും
ഓർത്ത് വിങ്ങുന്നുവെൻ തനു
തൂവൽ ചിക്കിയ സന്ധ്യകൾ
പുതച്ചുറങ്ങിയ താരില
കിതച്ചു തേങ്ങിയ നാളുകൾ
ഓർത്തിരമ്പുന്നു വൻ കടൽ! 

പ്രചോദനം — വിജയലക്ഷിയുടെ ‘മൃഗ ശിക്ഷകൻ’

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.