സഭയുടെ ലവ് ജിഹാദ് സർക്കുലർ; സർക്കുലറിനെതിരെ അങ്കമാലി അതിരൂപത മുഖപത്രം

Web Desk

കൊച്ചി

Posted on January 17, 2020, 10:40 am

പൗരത്വ ഭേദഗതി നിയമത്തിലും ലൗ ജിഹാദ് വിഷയത്തിലും സീറോ മലബാർ സഭാ സിനഡിന്റെ നിലപാടിനെ വിമർശിച്ച് എറണാകുളം-അങ്കമാലി അതിരൂപത മുഖപത്രം . ലവ് ജിഹാദ് സർക്കുലർ അനവസരത്തിൽ ഉള്ളതാണെന്നും ഭേദഗതിയെ പിന്തുണച്ച് പിഒസി ഡയറക്ടറുടെ ലേഖനം ജന്മഭൂമി പത്രത്തിൽ വന്നത് ആശങ്കയുണ്ടാക്കുന്നുവെന്നാണ് മുഖപത്രം സത്യദീപത്തിലെ ലേഖനം. ഫാദര്‍ കുര്യാക്കോസ് മുണ്ടാടന്റെ ലേഖനത്തിലാണ് ഇക്കാര്യം വ്യക്തമാക്കുന്നത്. ലവ് ജിഹാദിന് തെളിവില്ലെന്ന് സർക്കാരും ഹൈക്കോടതിയും വ്യക്തമാക്കിയതാണെന്നും മത രാഷ്ട്രീയത്തിന്റെ പേരിൽ രാജ്യം നിന്ന് കത്തുമ്പോൾ ഒരു മതത്തെ ചെറുതാക്കുന്ന നിലപാട് എടുക്കരുതായിരുന്നുവെന്നും ലേഖനം വ്യക്തമാക്കുന്നു. ‘പൗരത്വ നിയമ ഭേദഗതിയും ലൗജിഹാദും കൂട്ടിച്ചേർക്കാമോ’ എന്ന തലക്കെട്ടോടെയാണ് ലേഖനം.പൗരത്വ നിയമ ഭേദഗതിയുമായി ബന്ധപ്പെട്ട് കേരള കത്തോലിക്കാ സഭയ്ക്ക് ഏകാഭിപ്രായമോ കൃത്യമായോ നിലപാടോ ഇല്ലെന്ന് ലേഖനത്തിൽ പറയുന്നു. പൗരത്വ നിയമ ഭേദഗതി സംബന്ധിച്ച് കെ.സി.ബി.സി പ്രസിഡന്റും സിറോമലബാർ സഭാ മേജർ ആർച്ച് ബിഷപ്പുമായ കർദിനാൾ ജോർജ് ആലഞ്ചേരിയുടെ നിലപാട് ആശങ്കപ്പെടുത്തുന്നുവെന്ന് അതിരൂപത മുഖപത്രമായ സത്യദീപം പറയുന്നു.

Eng­lish sum­ma­ry: Syro mal­abar church sathyadeep­am on love jihad issue

YOU MAY ALSO LIKE THIS VIDEO