റമദാനിലെ ‘തറാവീഹ്’ നമസ്‌കാരം പൊതു നിരത്തില്‍ നടത്തിയതിന് ആഗ്രയില്‍ 150 പേര്‍ക്കെതിരെ പൊലീസ് കേസ്. നമസ്‌കാരം നിര്‍വഹിക്കാനുള്ള വ്യവസ്ഥകള്‍ ലംഘിച്ചതിനാണ് നടപടിയെന്ന് ആഗ്ര എസ്എസ്പി സുധീര്‍ കുമാര്‍ പറഞ്ഞു. ശത്രുത പ്രോത്സാഹിപ്പിക്കുന്നതിനെതിരായ 153 എ ഉള്‍പ്പെടെ വകുപ്പുകള്‍ ചുമത്തിയാണ് കേസെടുത്തിരിക്കുന്നത്.
ഇംലി വാലി മസ്ജിദിനോട് ചേര്‍ന്ന റോഡിലാണ് ശനിയാഴ്ച രാത്രി നമസ്‌കാരം നടന്നത്. റമദാനിലെ രാത്രി നമസ്‌കാരത്തിന് നേരത്തെ അനുമതി നല്‍കിയിരുന്നുവെങ്കിലും പിന്നീട് പിന്‍വലിച്ചിരുന്നു. ഇത് ലംഘിച്ചെന്നാണ് കേസ്. എന്നാല്‍, കഴിഞ്ഞ 40 വര്‍ഷമായി ഇവിടെ രാത്രിയില്‍ നമസ്‌കാരം നടക്കുന്നുണ്ടെന്നും അതുമൂലം റോഡില്‍ ഗതാഗതക്കുരുക്ക് ഉണ്ടാകാറില്ലെന്നും സംഘാടകര്‍ വ്യക്തമാക്കി.
English summary; ‘Taraweeh’ prayers in public streets; Case against 150 people
You may also like this video;
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.