കേരളത്തിന്റെ ചുമതലയുള്ള എഐസിസി ജനറല് സെക്രട്ടറി താരിഖ് അന്വര് പക്ഷപാതപരമായി പെരുമാറുന്നുവെന്ന് കോൺഗ്രസ് എ, ഐ ഗ്രൂപ്പുകള്. കേരളത്തിലെ ഡിസിസി പുനഃസംഘടനാ ചര്ച്ചകള് താരിഖ് അന്വര് മോശമായാണ് കൈകാര്യം ചെയ്തതെന്ന് ഗ്രൂപ്പുകള് ആരോപിക്കുന്നു.താരിഖ് അന്വറിന്റെ പ്രവര്ത്തനത്തിലുള്ള അതൃപ്തി ഹൈക്കമാന്ഡിനെ അറിയിക്കും. കോൺഗ്രസിൽ സംഘടനാ തിരഞ്ഞെടുപ്പ് നടത്തണമെന്ന ആവശ്യവും ഗ്രൂപ്പുകൾ ഹൈക്കമാന്ഡിനു മുന്നില് വയ്ക്കും. ഇന്നത്തെ പ്രസിസന്ധിക്ക് ശാശ്വതപരിഹാരം സംഘടനാ തിരഞ്ഞെടുപ്പ് ആണെന്നാണ് ഗ്രൂപ്പ് നേതൃത്വങ്ങളുടെ നിലപാട്. അതേസമയം, മുൻ മുഖ്യമന്ത്രി ഉമ്മൻ ചാണ്ടിയെ അപമാനിച്ച രാജ്മോഹൻ ഉണ്ണിത്താന് എംപിക്കെതിരെ നടപടി വേണമെന്നും ഗ്രൂപ്പുകൾ ആവശ്യപ്പെടുന്നു. അച്ചടക്ക നടപടിയിൽ കെപിസിസി ഇരട്ടനീതി നടപ്പാക്കുകയാണ്. എഐസിസി ജനറൽ സെക്രട്ടറി കെ.സി.വേണുഗോപാലിനെ അപമാനിച്ച മുൻ കെപിസിസി സെക്രട്ടറി പി.എസ്.പ്രശാന്തിനെതിരെ നടപടിയെടുത്തപ്പോൾ ഉണ്ണിത്താനെ താക്കീത് പോലും ചെയ്യുന്നില്ലെന്നാണ് ഗ്രൂപ്പുകളുടെ പരാതി.
English summary; tariq anvar congress a, i groups
you may also like this video;
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.