Web Desk

കോട്ടയം

March 18, 2020, 9:26 pm

കൊറോണ; പാസ്‌പോർട്ട് ഓഫീസുകളിലും താത്കാലിക വിലക്ക്

Janayugom Online

കൊറോണ വൈറസ് പടർന്നു പിടിക്കുന്ന സാഹചര്യത്തിൽ റീജണൽ പാസ്പോർട്ട് ഓഫീസുകൾ പാസ്പോർട്ട് സേവാ കേന്ദ്രങ്ങൾ,പോസ്റ്റ് ഓഫീസ് പാസ്പോർട്ട് സേവാ കേന്ദ്രങ്ങൾ എന്നിവിടങ്ങളിൽ നേരിട്ടുള്ള അന്വേഷണങ്ങൾക്ക് താത്കാലിക വിലക്ക് ഏർപ്പെടുത്തി. ഇനി ഒരറിയിപ്പ് ഉണ്ടാകുന്നതു വരെ വിലക്ക് തുടരുമെന്ന് അധികൃതർ അറിയിച്ചു. വീടുകളിൽ നിരീക്ഷണത്തിൽ കഴിയണമെന്ന് ആരോഗ്യ വകുപ്പ് നിർദേശിച്ചിട്ടുള്ളവർ ദയവായി നിരീക്ഷണ കാലയളവിൽ പാസ്പോർട്ട് സേവാ കേന്ദ്രങ്ങൾ സന്ദർശിക്കരുതെന്നും അധികൃതർ ആവശ്യപ്പെട്ടു.

കൊച്ചിയിലെ റീജണൽ പാസ്പോർട്ട് ഓഫീസ്, ആലുവ, ആലപ്പുഴ, കൊച്ചി, കോട്ടയം, തൃശൂർ, എന്നിവടങ്ങളിലെ പാസ്പോർട്ട് സേവാ കേന്ദ്രങ്ങൾ, കട്ടപ്പന, ഒലവക്കോട്, നെന്മാറ, ചെങ്ങന്നൂർ എന്നിവടങ്ങിലെ പോസ്റ്റ് ഓഫീസ് പാസ്പോർട്ട് സേവാ കേന്ദ്രങ്ങൾ എന്നിവടങ്ങളിലാണ് വിലക്ക് ഏർപ്പെടുത്തിയത്.

ENGLISH SUMMARY: Tem­po­rary ban for pass­port office