ജമ്മുകശ്മീരില്‍ സൈന്യവും ഭീകരരും ഏറ്റുമുട്ടി; ഒരു ഭീകരനെ വധിച്ചു

ജമ്മുകശ്മീരിൽ ഏറ്റുമുട്ടലിൽ സൈന്യം ഒരു ഭീകരനെ വധിച്ചു. സൗത്ത് കശ്മീരിലെ ഷോപ്പിയാനിലാണ് ഇന്നലെ രാത്രിയോടെ ഏറ്റുമുട്ടലുണ്ടായത്. പ്രദേശവാസിക്കെതിരെ കഴിഞ്ഞ രാത്രി ഭീകരർ വെടിവച്ചതിന് പിന്നാലെ സൈന്യം നടത്തിയ തിരച്ചിലിനിടയിലാണ് ഏറ്റുമുട്ടലുണ്ടായത്.
ഷോപ്പിയാനിലെ കഷ്വയിലാണ് സൈന്യവും ഭീകരരും ഏറ്റുമുട്ടിയത്. അനയത് അഷ്റഫ് ധാർ എന്ന ഭീകരനാണ് കൊല്ലപ്പെട്ടത്. ഇയാൾ കഴിഞ്ഞ ദിവസം രാത്രി പ്രദേശവാസിയായ ഒരാളെ ആക്രമിച്ചിരുന്നു. ഇതിന് പിന്നാലെയാണ് സൈന്യം തിരച്ചിൽ ഊർജിതമാക്കിയത്. പ്രദേശത്ത് ഏറ്റുമുട്ടൽ തുടരുകയാണ്.
ജമ്മുകശ്മീരിൽ ഭീകരരുടെ സാന്നിധ്യം വർധിക്കുന്നതായി നേരത്തെ ഇന്റലിജൻസ് റിപ്പോർട്ടുകൾ പുറത്തുവന്നിരുന്നു. മഞ്ഞുകാലം അടുത്തതിനാൽ അതിർത്തി കടന്ന് ഭീകരർ നുഴഞ്ഞുകയറുമെന്നും ആയുധങ്ങൾ എത്തുമെന്നുമായിരുന്നു റിപ്പോർട്ടുകൾ.

Eng­lish sum­ma­ry; Ter­ror­ist Killed In Encounter With Secu­ri­ty Forces In J&K’s Shopian

you may also like this video;