ദേശീയപാതയില്‍ കെട്ടിക്കിടന്ന വെള്ളത്തില്‍ കുളിച്ച് ജാർഖണ്ഡ് കോൺഗ്രസ് എംഎൽഎ. ഗോഡ്ഡ ജില്ലയിലെ ദേശീയ പാതയുടെ മധ്യത്തില്‍ കെട്ടിക്കിടന്ന വെള്ളത്തിലാണ് മഹാഗാമയിൽ നിന്നുള്ള നിയമസഭാംഗമായ ദീപിക പാണ്ഡേ സിങ് പ്രതിഷേധ സൂചകമായി കുളിച്ചത്. കുഴികൾ നികത്താതെ താൻ അനങ്ങില്ലെന്ന് പ്രതിഷേധിക്കവെ ദീപിക പ്രതിജ്ഞയെടുക്കുകയും ചെയ്തു.
“സംസ്ഥാന സർക്കാരും കേന്ദ്രവും തമ്മിലുള്ള പോരാട്ടത്തിൽ ഏർപ്പെടാൻ ഞാൻ ആഗ്രഹിക്കുന്നില്ല… ഇത് NH-133 ആണ്, 2022 മെയ് മാസത്തിൽ ഇത് വീതി കൂട്ടാനുള്ള ഉത്തരവാദിത്തം അധികാരികൾ ഏറ്റെടുത്തിരുന്നു, എന്നാൽ അറ്റകുറ്റപ്പണികൾക്ക് കേന്ദ്രം ഫണ്ട് നൽകുന്നില്ല. ജനങ്ങൾ ബുദ്ധിമുട്ടുകൾ നേരിടുന്നതിനാൽ ഇത് പൂർത്തിയാക്കാൻ ഞാൻ മുഖ്യമന്ത്രിയോട് അഭ്യർത്ഥിക്കുന്നു, ”അവർ പറഞ്ഞു.
ഹൈവേയുടെ അറ്റകുറ്റപ്പണികൾ നടത്തണമെന്ന് താൻ ഏറെ നാളായി ആവശ്യപ്പെടുന്നുണ്ടെങ്കിലും നിയമസഭാ സമിതി ഉദ്യോഗസ്ഥർ സ്ഥലം സന്ദർശിക്കുക പോലും ചെയ്തിട്ടില്ല. ഗോഡ്ഡ എംപി നിഷികാന്ത് ദുബെയെയും അവർ വിമർശിച്ചു.
അതേസമയം സംഭവത്തില്‍ നാഷണൽ ഹൈവേ അതോറിറ്റി ഓഫ് ഇന്ത്യയുടെയും (എൻഎച്ച്എഐ) റോഡ് നിർമ്മാണ വകുപ്പിലെയും ഉദ്യോഗസ്ഥര്‍ ഇതുവരെ പ്രതികരിച്ചിട്ടില്ല.
English Summary: The authorities are not looking back; Woman MLA takes a bath in a mud puddle on the road
You may like this video also
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.