ആറ്റുകാൽ പൊങ്കാല കഴിഞ്ഞു മടങ്ങിയ സ്ത്രീകളും കുട്ടികളും സഞ്ചരിച്ച ഓട്ടോ കാറുമായി കൂട്ടിയിടിച്ച് അപകടം. ഓട്ടോ യാത്രക്കാരായ രണ്ടു സ്ത്രീകൾക്ക് അപകടത്തിൽ ഗുരുതര പരുക്കേറ്റു. തട്ടത്തുമല സ്വദേശികളായ ഗിരിജ കുമാരി (55) സൂര്യ (28) എന്നിവർക്കാണ് പരുക്കേറ്റത്. എംസി റോഡിൽ കിളിമാനൂരിലാണ് അപകടം. ഇവരെ തിരുവനന്തപുരം മെഡിക്കൽ കോളജിൽ പ്രവേശിപ്പിച്ചു.
ഇത്തവണ പൊങ്കാലയ്ക്ക് മുൻ വർഷങ്ങളിലേക്കാൾ തിരക്ക് കൂടുതലായിരുന്നു. ജില്ലകളിലെ പലയിടങ്ങളിൽ നിന്നായി ഭക്തരുടെ നീണ്ട നിരതന്നെയാണ് തലസ്ഥാന നഗരിയുടെ പല ഭാഗങ്ങളിലും ദൃശ്യമായത്. പല ഇടങ്ങളിലും ഗതാഗതം തടസപ്പെട്ടു. തിരുവനന്തപുരം പോത്തൻകോട് കാട്ടായികോണത്ത് വൻ ഗതാഗത കുരുക്ക് ഉണ്ടായതിനെ തുടർന്ന് റോഡിൽ ആംബുലൻസും കുടുങ്ങി കിടക്കുന്ന അവസ്ഥയായിരുന്നു.
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.