Web Desk

January 01, 2020, 4:19 pm

പോപ്പുലർ ഫ്രണ്ടിനെ നിരോധിക്കുന്നത് പരിഗണനയിലെന്ന് കേന്ദ്രം

Janayugom Online

ദില്ലി: പോപ്പുലർ ഫ്രണ്ടിനെ നിരോധിക്കുന്നത് പരിഗണനയിലെന്ന് കേന്ദ്രം. കേന്ദ്ര ആഭ്യന്തര മന്ത്രാലയം പരിശോധിക്കുവാണെന്നും രവിശങ്കർ പ്രസാദ് അറിയിച്ചു. പോപ്പുലർ ഫ്രണ്ടിന് നിരോധിത സംഘടനയായ സിമിയുമായി ബന്ധമുണ്ടെന്നും നിയമ മന്ത്രി പറഞ്ഞു.

പോപ്പുലർ ഫ്രണ്ട് ഓഫ് ഇന്ത്യ(പി.എഫ്.ഐ)യെ നിരോധിക്കണമെന്ന് ആവശ്യപ്പെട്ട് കേന്ദ്ര ആഭ്യന്തര മന്ത്രാലയത്തിന് ഉത്തർപ്രദേശ് ഡി.ജി.പി ഒ.പി സിങ് കത്ത് അയച്ചു. ഡിസംബർ 19 ന് നടന്ന പൗരത്വ ഭേദഗതി നിയമത്തിനും എൻ‌.ആർ‌.സിക്കുമെതിരെ നടന്ന പ്രതിഷേധം അക്രമാസക്തമായതിൽ പോപ്പുലർ ഫ്രണ്ടിന് പങ്കുണ്ടെന്ന് കണ്ടെത്തിയ സാഹചര്യത്തിലാണ് ഉത്തർപ്രദേശ് പൊലീസ് മേധാവി നിരോധനം ആവശ്യപ്പെട്ട് കേന്ദ്രത്തിന് കത്ത് നല്‍കിയിരിക്കുന്നതെന്ന് എ.എന്‍.ഐ റിപ്പോര്‍ട്ട് ചെയ്തു.

you may also like this video;