സ്വാതന്ത്ര്യ ലബ്ധിയ്ക്കുശേഷം സർക്കാർ നിർമ്മിക്കുന്ന ആദ്യത്തെ തവനൂർ സെൻട്രൽ പ്രിസൺ ആന്റ് കറക്ഷണൽ ഹോം നാളെ രാവിലെ 10ന് മുഖ്യമന്ത്രി പിണറായി വിജയൻ ഉദ്ഘാടനം ചെയ്യും. പൊതുമരാമത്ത് ടൂറിസം വകുപ്പ് മന്ത്രി പി എ മുഹമ്മദ് റിയാസ് വിശിഷ്ടാതിഥിയാവും. കായിക വകുപ്പ് മന്ത്രി വി അബ്ദുറഹിമാൻ മുഖ്യാതിഥിയാവും.
ഡോ. കെ ടി ജലീൽ എംഎൽഎ അധ്യക്ഷനാവും. തവനൂർ കൂരടയിൽ ജയിൽ വകുപ്പിന്റെ 7.56 ഏക്കർ ഭൂമിയിൽ മൂന്ന് നിലകളിലായാണ് ജയിൽ സമുച്ചയം നിർമ്മിച്ചിട്ടുള്ളത്. മറ്റ് മൂന്ന് ജയിലുകളിൽനിന്ന് വ്യത്യസ്തമാണ് പുതിയ ജയിലിന്റെ നിർമ്മാണം. ‘യു’ ആകൃതിയിൽ മൂന്ന് നിലകളിലായാണ് ജയിൽ നിർമ്മിച്ചിരിക്കുന്നത്. 706 തടവുകാരെ പാർപ്പിക്കുന്നതിനുള്ള സൗകര്യമാണ് ജയിലുള്ളത്.
35 കോടിയോളം രൂപ ചെലവഴിച്ചാണ് നിർമ്മാണം പൂർത്തിയാക്കിയത്. നിലവിലെ സെൻട്രൽ ജയിലുകളുടെ നിർമ്മാണ രീതിയിൽനിന്ന് വ്യത്യസ്തമായി ആധുനിക സുരക്ഷാ സംവിധാനങ്ങളാണ് ഇവിടെയുള്ളത്. ഉദ്ഘാടന ദിവസം പൊതുജനങ്ങൾക്ക് ജയിൽ സന്ദർശിക്കാനുള്ള അവസരവും ഉണ്ടാകും.
രാവിലെ ഒമ്പത് മുതൽ 10 വരെ ഒരു മണിക്കൂർ സമയമാണ് ജയിലിന്റെ ഉൾവശം മുഴുവനായും സന്ദർശകർക്കായി സമയം അനുവദിച്ചിട്ടുള്ളത്. എന്നാൽ ഫോട്ടോ എടുക്കുന്നതിന് അനുവദിക്കില്ല. അതീവ സുരക്ഷാ മേഖലയായതിനാൽ ഉദ്ഘാടനത്തിനുശേഷം ജയിലിനുള്ളിൽ സന്ദർശനത്തിന് നിയന്ത്രണമേർപ്പെടുത്തും.
English summary;The Chief Minister will inaugurate the Thavanur Central Jail tomorrow
You may also like this video;
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.