നിയമനിർമ്മാണ സഭകളിൽ അർദ്ധസൈനികരെ വിന്യസിച്ച് സഭാംഗങ്ങളെ നിയന്ത്രിക്കുകയും ഭീഷണിപ്പെടുത്തുകയും ചെയ്യുന്ന തരത്തിലേക്ക് രാജ്യത്തെ ഭരണം എത്തിക്കഴിഞ്ഞെന്ന് സി പി ഐ സംസ്ഥാന എക്സിക്യുട്ടീവ് അംഗവും മുൻ റവന്യൂ വകുപ്പ് മന്ത്രിയുമായ കെ പി രാജേന്ദ്രൻ പറഞ്ഞു. സി പി ഐ ഗുരുവായൂർ മണ്ഡലം കേഡർ ക്യാമ്പ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
കർഷക വിരുദ്ധ നിയമങ്ങൾക്കെതിരെ കർഷകർക്കൊപ്പം രാജ്യത്തെ തൊഴിലാളികളും കൈകോർത്ത് പ്രക്ഷോഭ രംഗത്തിറങ്ങിയതോടെയാണ് ഭരണകൂടത്തിന് മുട്ടുമടക്കേണ്ടി വന്നതും ലജ്ജയില്ലാതെ പാർലമെൻ്റിൽ ആ നിയമങ്ങളെ പിൻവലിക്കേണ്ടി വന്നതെന്നും അദ്ദേഹം പറഞ്ഞു.
ഗുരുവായൂർ നഗരസഭ സെക്യുലർ ഹാളിൽ നടന്ന ക്യാമ്പിൽ ജില്ലാ കമ്മിറ്റി അംഗം സി വി ശ്രീനിവാസൻ അധ്യക്ഷനായിരുന്നു. ജില്ലാ സെക്രട്ടറി കെ കെ വൽസരാജ്, സംസ്ഥാന കൗൺസിൽ അംഗവും മുൻ കൃഷി വകുപ്പ് മന്ത്രിയുമായ വി എസ് സുനിൽകുമാർ, ജില്ലാ എക്സി. അംഗങ്ങളായ കെ ജി ശിവാനന്ദൻ, എൻ കെ സുബ്രഹ്മണ്യൻ, മണ്ഡലം സെക്രട്ടറി അഡ്വ. പി മുഹമ്മദ് ബഷീർ എന്നിവർ സംസാരിച്ചു.
ENGLISH SUMMARY:The country has reached the point where the legislature can deploy and control paramilitaries: KP Rajendran
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.