July 2, 2022 Saturday

Latest News

July 2, 2022
July 2, 2022
July 2, 2022
July 2, 2022
July 2, 2022
July 2, 2022
July 2, 2022
July 2, 2022
July 2, 2022
July 2, 2022

സമ്പദ് വ്യവസ്ഥ ദുഷ്കരമായ സാഹചര്യത്തിലൂടെ കടന്ന് പോകുന്നു: രാംഗോപാൽ അഗർവാല

Janayugom Webdesk
December 29, 2019

കൊൽക്കത്ത: ഇന്ത്യയുടെ സമ്പദ് വ്യവസ്ഥ ദുഷ്കരമായ സാഹചര്യത്തിലൂടെയാണ് കടന്ന് പോകുന്നതെന്നും എന്നാൽ പ്രതിസന്ധിയല്ലെന്നും നിതിആയോഗ് വിശിഷ്ടാംഗത്വം രാംഗോപാൽ അഗർവാല. നോട്ട് നിരോധനം, ജിഎസ് ടി തുടങ്ങിയ പരിഷ്കരണ നടപടികൾ ആവശ്യമായിരുന്നെങ്കിലും അത് തിടുക്കത്തിൽ നടപ്പാക്കിയെന്നാണ് തന്റെ വ്യക്തിപരമായ അഭിപ്രായമെന്നും അദ്ദേഹം പറഞ്ഞു. കൊൽക്കത്തയിൽ നടന്ന ഭാരത് ചേംബർ ഓഫ് കൊമേഴ്സിൽ സംസാരിക്കുകയായിരുന്നു രാംഗോപാൽ അഗർവാല.
“യഥാർത്ഥത്തിൽ നോട്ട്മാറ്റിയെടുക്കലാണ് ഉണ്ടായിട്ടുള്ളത്. അല്ലാതെ നോട്ട് നിരോധനമല്ല. കള്ളപ്പണം സമ്പദ് വ്യവസ്ഥയെ മുറിവേൽപ്പിക്കുന്നുണ്ടായിരുന്നെങ്കിലും അത്തരത്തിലുള്ള നടപടികൾ കൈക്കൊള്ളുമ്പോൾ കൂടുതൽ ആലോചനകൾ വേണ്ടിയിരുന്നു”, അദ്ദേഹം പറഞ്ഞു.
ജിഎസ് ടി നടപ്പാക്കുമ്പോൾ വേണ്ടത്ര തയ്യാറെടുപ്പുകൾ നടത്തിയിട്ടില്ല. ഇത്തരം സാമ്പത്തിക പരിഷ്കാരങ്ങൾ സാമ്പത്തിക പ്രതിസന്ധിക്ക് കാരണമായേക്കാം. എല്ലാവരെയും ഉൾക്കൊള്ളൽ നല്ല വളർച്ച കൈവരിക്കുന്നതിനുള്ള ഏറ്റവും പ്രധാനപ്പെട്ട ഘടകമാണ്. ലിംഗസമത്വം ഉറപ്പാക്കുമ്പോൾ എല്ലാ ജാതികളേയും സമുദായങ്ങളേയും ഉൾപ്പെടുത്തേണ്ടതുണ്ട്. അടുത്ത 15 വർഷത്തേക്ക് രാജ്യത്തിന്റെ സമ്പദ്‌വ്യവസ്ഥ പ്രതിവർഷം കുറഞ്ഞത് എട്ട് ശതമാനം വളർച്ച കൈവരിക്കേണ്ടതുണ്ടെന്നും അദ്ദേഹം പറഞ്ഞു.
ധനനയം ലഘൂകരിക്കുന്നതിലൂടെ സ്വകാര്യമേഖലയിൽ കൂടുതൽ നിക്ഷേപം എത്തേണ്ടതുണ്ട്. അഞ്ച് ട്രില്യൺ ഡോളർ സമ്പദ്‌വ്യവസ്ഥ കൈവരിക്കാനുള്ള കേന്ദ്രസർക്കാരിന്റെ ലക്ഷ്യം അഭികാമ്യമാണ്, പക്ഷേ മധ്യവർഗത്തിന് വരുമാന അവസരങ്ങൾ സൃഷ്ടിക്കേണ്ടതുണ്ടെന്നും അദ്ദേഹം പറഞ്ഞു.

you may also like this video

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.

Comments are closed.