Web Desk

ന്യൂഡൽഹി

January 28, 2020, 8:47 pm

അനുരാഗ് താക്കൂറിന്റെ പ്രസംഗത്തിൽ തെരഞ്ഞെടുപ്പ് കമ്മിഷൻ റിപ്പോർട്ട് തേടി

Janayugom Online

ഡൽഹി നിയമസഭ തെരഞ്ഞെടുപ്പ് പ്രചാരണത്തിനിടെ കേന്ദ്രമന്ത്രി അനുരാഗ് താക്കൂർ നടത്തിയ പ്രകോപനപരമായ പ്രസംഗത്തിൽ തെരഞ്ഞെടുപ്പ് കമ്മിഷൻ റിപ്പോർട്ട് തേടി. രാജ്യത്തെ ഒറ്റുകാർക്ക് നേരെ വെടിവയ്ക്കൂ എന്ന താക്കൂറിന്റെ പരാമർശത്തിനെതിരെയാണ് നടപടി. ഡൽഹിയിലെ റിതാല മണ്ഡലത്തിൽ നടത്തിയ പ്രസംഗത്തിനെതിരെ ആംആദ്മി പാർട്ടി പരാതി നൽകുകയായിരുന്നു. താക്കൂർ തുടർച്ചയായി വിളിച്ചു കൊടുത്ത മുദ്രാവാക്യം കൂടിനിന്നവർ ഏറ്റുവിളിക്കുകയും, മന്ത്രി അത് കയ്യടിച്ച് പ്രോത്സാഹിപ്പിക്കുകയുമായിരുന്നു.

തെരഞ്ഞെടുപ്പ് കമ്മിഷൻ കുറ്റക്കാരനെന്ന് കണ്ടെത്തിയാൽ, ഈ തെരഞ്ഞെടുപ്പിൽ പ്രചാരണ വിലക്ക് ലഭിക്കുന്ന രണ്ടാമത്തെ ബിജെപി നേതാവാകും അനുരാഗ് താക്കൂർ. മോഡേൺ ടൗൺ സ്ഥാനാർത്ഥി കപിൽ മിശ്രയെ കമ്മിഷൻ രണ്ട് ദിവസത്തേക്ക് പ്രചാരണത്തിൽ നിന്നും വിലക്കിയിരുന്നു. ഇന്ത്യാ-പാകിസ്ഥാൻ പോരാട്ടത്തോട് തെരഞ്ഞെടുപ്പിനെ താരതമ്യം ചെയ്തുള്ള ട്വീറ്റിനെ തുടർന്നായിരുന്നു ഈ നടപടി.

Eng­lish sum­ma­ry: The Elec­tion Com­mis­sion has sought the report of Anurag Thakur

YOU MAY ALSO LIKE THIS VIDEO