28 March 2024, Thursday

‘പരിസ്ഥിതി സംരക്ഷണം വിദ്യാർഥികളിലൂടെ’ ക്യാമ്പയിന് തുടക്കമായി

Janayugom Webdesk
ആലപ്പുഴ
November 26, 2021 5:42 pm

പരിസ്ഥിതി സംരക്ഷണം വിദ്യാർത്ഥികളിലൂടെ’ എന്ന മുദ്രാവാക്യമുയർത്തി നടത്തുന്ന ക്യാമ്പയിന് ജില്ലയിൽ തുടക്കമായി. ആലപ്പുഴ സെന്റ് ജോസഫ്സ് വനിതാ കോളേജിലെ നാഷണൽ സർവീസ് സ്കീമിന്റെ സഹകരണത്തോടെ പരിസ്ഥിതി ജൈവസംരക്ഷണ പ്രവർത്തകന്‍ ഫിറോസ് അഹമ്മദാണ് പദ്ധതി നടപ്പാക്കുന്നത്. കോളേജ് ഹാളിൽ നടന്ന പദ്ധതിയുടെ ഉദ്ഘാടനവും വൃക്ഷത്തൈ നടീലും ജില്ലാ പഞ്ചായത്ത് പ്രസിഡന്റ് കെ ജി രാജേശ്വരി നിർവ്വഹിച്ചു.

കോളേജ് പ്രിൻസിപ്പൽ ഡോ. റീത്താ ലതാ ഡിക്കോത്തോ അധ്യക്ഷത വഹിച്ചു. ആലപ്പുഴ നഗരസഭ അധ്യക്ഷ സൗമ്യാരാജ് ഫലവൃക്ഷത്തൈകൾ വിദ്യാർത്ഥികൾക്ക് വിതരണം ചെയ്തു. സാഫ്രോൺ ഹോസ്പിറ്റാലിറ്റി എം ഡി ഹാരിസ് രാജ മുഖ്യാതിഥിയായിരുന്നു. കോളേജ് മാനേജർ ഡോ. സിസ്റ്റർ അൻസാ മാത്യു, പരിസ്ഥിതി ജൈവസംരക്ഷണ പ്രവർത്തകൻ ഫിറോസ് അഹമ്മദ്, എൻ എസ് എസ് പ്രോഗ്രാം ഓഫീസർ ഡോ. സിസ്റ്റർ ബിൻസി ജോൺ, തുടങ്ങിയവർ സംസാരിച്ചു.

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.

Comments are closed.