Web Desk

വാഷിങ്ടണ്‍

January 11, 2021, 9:28 pm

ട്രംപിന്റെ ട്വിറ്റര്‍ അക്കൗണ്ട് മരവിപ്പിച്ചതിന് പിന്നില്‍ ഇന്ത്യന്‍ വംശജയും

Janayugom Online

കാപിറ്റോള്‍ കലാപത്തിന് പിന്തുണ നല്‍കിയ അമേരിക്കൻ പ്രസിഡന്റ് ഡൊണാള്‍ഡ് ട്രംപിന്റെ ട്വിറ്റര്‍ അക്കൗണ്ട് മരവിപ്പിക്കാന്‍ തീരുമാനിച്ചതിന് പിന്നില്‍ ഇന്ത്യന്‍ വംശജ. അമേരിക്കയെ ഞെട്ടിച്ച ആക്രമണത്തിന് പിന്നാലെ ഇന്ത്യന്‍ വംശജയായ ട്വിറ്ററിന്റെ നിയമകാര്യ മേധാവി വിജയ ഗദ്ദേയാണ് ട്രംപിനെ വിലക്കാന്‍ തീരുമാനമെടുത്തത്. ഒരു ദശാബ്ദത്തോളം ടെക് സ്റ്റാര്‍ട്ടപ്പ് കമ്പനികളുടെ നിയമകാര്യ വിഭാഗത്തിൽ ജോലി ചെയ്ത ശേഷം 2011 ലാണ് ഗദ്ദേ ട്വിറ്റര്‍ കമ്പനിയിലെത്തിയത്. കോര്‍പ്പറേറ്റ് അഭിഭാഷക എന്ന നിലയില്‍ ട്വിറ്ററിന്റെ പിന്നണിയില്‍ കമ്പനിയുടെ പോളിസി നയങ്ങള്‍ രൂപപ്പെടുത്തുന്ന കാര്യങ്ങളാണ് ഗദ്ദേ നിയന്ത്രിച്ചിരുന്നത്. 

ആഗോള രാഷ്ട്രീയത്തില്‍ ട്വിറ്ററിന്റെ പങ്ക് വര്‍ധിച്ചതോടെ ഗദ്ദേയുടെ സ്വാധീനം കഴിഞ്ഞ ദശാബ്ദത്തില്‍ ട്വിറ്ററിന്റെ നയങ്ങളെ ഏറെ മികവുറ്റതാക്കാനും സഹായിച്ചു. ഇതിനോടകം നിരവധി പേരുടെ പ്രശംസയും ഗദ്ദേയെ തേടിയെത്തിയിട്ടുണ്ട്. ഏറ്റവും ശക്തയായ സോഷ്യല്‍ മീഡിയ എക്‌സിക്യൂട്ടീവ് എന്നാണ് ഗദ്ദേയെ അമേരിക്കന്‍ മാധ്യമ സ്ഥാപനമായ പൊളിറ്റിക്കോ വിശേഷിപ്പിച്ചത്. ഇന്‍സ്റ്റൈല്‍ മാഗസീന്‍ ലോകത്തെ മാറ്റിമറിച്ച 50 വനിതകളുടെ പട്ടികയിലും ഗദ്ദേയെ ഉള്‍പ്പെടുത്തിയിരുന്നു.
45കാരിയായ വിജയ ഗദ്ദേ ഇന്ത്യയിലാണ് ജനിച്ചത്. യുഎസിലെ ഓയില്‍ കമ്പനിയില്‍ കെമിക്കല്‍ എന്‍ജിനീയറായി ജോലി ചെയ്യുന്ന പിതാവിനൊപ്പം ചെറുപ്പത്തിലേ അമേരിക്കയിലേക്ക് കുടിയേറിയ ഗദ്ദേ വളര്‍ന്നതെല്ലാം ടെക്‌സാസിലാണ്. ന്യൂ ജേഴ്‌സിയിലായിരുന്നു സ്‌കൂള്‍ വിദ്യാഭ്യാസം. കോര്‍ണല്‍ യൂണിവേഴ്‌സിറ്റിയില്‍ നിന്ന് ബിരുദവും ന്യൂയോര്‍ക്ക് യൂണിവേഴ്‌സിറ്റി ലോ സ്‌കൂളില്‍ നിന്ന് നിയമപഠനവും പൂര്‍ത്തിയാക്കിയിട്ടുണ്ട്.

ENGLISH SUMMARY:The Indi­an nation­al is behind the freez­ing of Trump’s Twit­ter account
You may also like this video