സോഷ്യൽ മീഡിയ ആപ്ലിക്കേഷനായ ‘ടിക് ടോക്കി‘ന്റെ നിരോധനം മദ്രാസ് ഹൈക്കോടതി നീക്കി. ടിക്ക് ടോക്ക് ഉടമസ്ഥരായ ബൈറ്റ് ഡാൻസ് കമ്പനി ഉൾപ്പടെ നൽകിയ പുനഃപരിശോധന ഹർജികളിലാണ് മധുര ബെഞ്ചിന്റെ ഇടക്കാല ഉത്തരവ്.

അശ്ലീലത പ്രചരിപ്പിക്കുന്നുവെന്നും കുട്ടികളെ വഴിതെറ്റിക്കുന്നുവെന്നും ആരോപിച്ച് സമർപ്പിക്കപ്പെട്ട ഹർജിയിലാണ് മദ്രാസ് ഹൈക്കോടതി ടിക്ക് ടോക്ക് ആപ്പിന് നിരോധനം ഏർപ്പെടുത്തിയത്. ഇതേ തുടർന്ന് പ്ലേ സ്റ്റോറിൽ നിന്നും മറ്റും ഈ ആപ്പ് പിൻവലിച്ചിരുന്നു.

ബൈറ്റ് ഡാൻഡ് കമ്പനി നൽകിയ പുനപരിശോധനാ ഹർജിയിൽ അശ്ലീല സ്വഭാവമുള്ള വീഡിയോകൾ ഉൾപ്പെടുത്തരുത് എന്നത് ഉൾപ്പടെ കർശന ഉപാധികളോടെയാണ് കോടതി വിലക്ക് പിൻവലിച്ചിരിക്കുന്നത്.

you may also like this video;