Web Desk

വുഹാൻ

February 01, 2020, 10:00 pm

കൊറോണ; രോഗബാധിതരെ ശുശ്രൂഷിക്കാൻ സമയം തികയുന്നില്ല, മുടി മുറിച്ച് കളഞ്ഞ് നഴ്സുമാർ

Janayugom Online

കൊറോണ വൈറസ് ബാധിച്ചവരെ ശുശ്രൂഷിക്കാൻ സമയം തികയാത്തതിനാൽ സ്വന്തം മുടി മുറിച്ച് കളഞ്ഞ് വുഹാനിലെ നഴ്സുമാർ. തലമുടി പരിപാലിക്കുന്നതിനുള്ള സമയം പോലും നഷ്ടപ്പെടരുതെന്നാണ് ഇവര്‍ കരുതുന്നത്. ഇതോടെ ജോലി ചെയ്യാന്‍ അത്രകൂടി സമയം ലഭിക്കുമല്ലോ എന്നാണ് ഇവര്‍ പറയുന്നത്. വുഹാന്‍ യൂണിയന്‍ മെഡിക്കല്‍ കോളേജിലെ 31 വനിതാ നഴ്സുമാരാണ് തങ്ങളുടെ മുടി മുറിച്ചു കളഞ്ഞതായി ചൈനീസ് മാധ്യമമായ സിന്‍ച്യൂ ആണ് റിപ്പോര്‍ട്ട് ചെയ്തത്. മുടിയുടെ നീളം കുറഞ്ഞിരിക്കുന്നത് വൈറസ് ബാധയുടെ സാധ്യതയും വിയര്‍പ്പും ബാക്ടീരിയയും ഉല്‍പാദിപ്പിക്കുന്നതും കുറയ്ക്കുമെന്നുമാണ് പഠനങ്ങള്‍ പറയുന്നത്.

‘സുരക്ഷ ഉറപ്പ് വരുത്താനും ഞങ്ങളുടെ രോഗികളെ ശുശ്രൂഷിക്കാനും എളുപ്പമാക്കാന്‍ ഞങ്ങള്‍ ഞങ്ങളുടെ മുടി മുറിച്ചു. എല്ലാ ദിവസവും കുളിക്കാനും മുടി വൃത്തിയാക്കാനും ഞങ്ങള്‍ക്ക് സമയം കിട്ടാറില്ല.’ വനിതാ നഴ്സുമാരിലൊരാള്‍ പറഞ്ഞു. വൈറസിനെ പ്രതിരോധിക്കാന്‍ 1000 മെഡിക്കല്‍ ജീവനക്കാരും 700 കിടക്കകളും സജ്ജമാണെന്നും അവര്‍ പറയുന്നു.

you may also like this video;