August 11, 2022 Thursday

Related news

August 10, 2022
August 10, 2022
August 9, 2022
July 26, 2022
July 22, 2022
July 21, 2022
July 21, 2022
July 20, 2022
July 19, 2022
July 18, 2022

ഗവർണറുടെ നിലപാട് പദവിക്ക് ചേർന്നതല്ല: എൽഡിഎഫ്

Janayugom Webdesk
തിരുവനന്തപുരം
January 17, 2020 8:28 am

ഭരണഘടനാപരമായ ഉത്തരവാദിത്വം നിറവേറ്റുന്നതിന് പകരം രാഷ്ട്രീയ ഇഷ്ടാനിഷ്ടങ്ങൾക്ക് വിധേയമായി നിലപാട് സ്വീകരിക്കുന്ന ഗവർണർ ആരിഫ് മുഹമ്മദ്ഖാന്റെ നിലപാട് വിചിത്രമാണെന്ന് എൽഡിഎഫ് കൺവീനർ എ വിജയരാഘവൻ പ്രസ്താവനയിൽ പറഞ്ഞു. ജനാധിപത്യപരമായി നിലവിൽ വന്ന സർക്കാർ നയങ്ങളുടെ അടിസ്ഥാനത്തിലാണ് മുന്നോട്ടുപോകുന്നത്. അത് പ്രകാരമുള്ള നടപടികളെ ചോദ്യം ചെയ്യുന്നത് ഗവർണ്ണർ പദവിക്ക് ഭൂഷണമല്ല. സ്വന്തം രാഷ്ട്രീയം അടിച്ചേൽപ്പിക്കാൻ സംസ്ഥാന ഗവർണർക്ക് ഭരണഘടന അധികാരം നൽകുന്നില്ല. ഇക്കാര്യം വിസ്മരിച്ചാണ് സർക്കാർ നടപടികളെ ഗവർണർ എതിർക്കുന്നത്. സംസ്ഥാന സർക്കാരിനെ അസ്ഥിരപ്പെടുത്താനുള്ള ശക്തികളുടെ ആയുധമായി ഗവർണർ അധഃപതിക്കുന്നത് അംഗീകരിക്കാൻ കഴിയില്ല. സർക്കാരിന്റെ ചുമതല നിറവേറ്റുന്നതിന്റെ ഭാഗമായാണ് അടിയന്തിര സാഹചര്യത്തിൽ ഓർഡിനൻസ് പുറപ്പെടുവിക്കേണ്ടിവരുന്നത്. നിയമപരമായ പോരായ്മയുണ്ടെങ്കിൽ ചൂണ്ടിക്കാട്ടി പരിഹരിക്കുന്നതിന് പകരം തർക്കം ഉന്നയിക്കുന്നതും പരസ്യവിവാദം സൃഷ്ടിക്കുന്നതും ഗവർണർ പദവിക്ക് ചേർന്നതല്ലെന്ന് എ വിജയരാഘവൻ പറഞ്ഞു.

Eng­lish sum­ma­ry:The posi­tion of the gov­er­nor does not fit the posi­tion: LDF

YOU MAY ALSO LIKE THIS VIDEO

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.

Comments are closed.