August 9, 2022 Tuesday

Related news

August 3, 2022
July 11, 2022
April 5, 2022
February 18, 2022
February 7, 2022
February 1, 2022
January 31, 2022
November 29, 2021
October 17, 2021
September 20, 2021

കാട്ടനയുടെ ശരീരാവശിഷ്ടങ്ങള്‍ കണ്ടെത്തി; സംഭവത്തിൽ ദുരൂഹത

Janayugom Webdesk
January 7, 2020 4:32 pm

അടിമാലി: നേര്യമംഗലം ഫോറസ്റ്റ് റേഞ്ചിന് കീഴില്‍ വരുന്ന വാളറ പാട്ടേടമ്പ് ആദിവാസി മേഖലയില്‍ കാട്ടനയുടെ ശരീര അവശിഷ്ടങ്ങള്‍ കണ്ടെത്തി.തിങ്കളാഴ്ച്ച വൈകിട്ടോടെ സ്വകാര്യ വ്യക്തിയുടെ കൈവശ ഭൂമിയിലാണ് കാട്ടനയുടെ അസ്ഥികൂടം കാണപ്പെട്ടത്. സംഭവത്തില്‍ നേര്യമംഗലം ഫോറസ്റ്റ് റേഞ്ച് ഓഫീസറുടെ നേതൃത്വത്തില്‍ അന്വേഷണം ആരംഭിച്ചു. അസ്ഥികൂടം കൊമ്പനാനയുടേതാണെന്നാണ് പ്രാഥമിക വിവരം. ആനക്കൊമ്പുകള്‍ സംബന്ധിച്ച് വ്യക്തമായ വിവരം ലഭിച്ചിട്ടില്ല. ആന ചരിയാനുണ്ടായ സാഹചര്യം, ശരീരഅവശിഷ്ടങ്ങളുടെ പഴക്കം,ആനയുടെ പ്രായം തുടങ്ങിയ കാര്യങ്ങള്‍ വനപാലക സംഘം പരിശോധിച്ച് വരികയാണ്. ആനയെ വേട്ടക്കാര്‍ കൊലപ്പെടുത്തിയിരിക്കാനുള്ള സാഹചര്യവും വനപാലകര്‍ തള്ളിക്കളഞ്ഞിട്ടില്ല. ശരീര അവശിഷ്ടങ്ങളുടെ പോസ്റ്റുമോര്‍ട്ട റിപ്പോര്‍ട്ട് പുറത്തുവന്നാല്‍ മാത്രമേ സംഭവം സംബന്ധിച്ച് കൂടുതല്‍ വിവരങ്ങള്‍ വ്യക്തമാകുകയുള്ളുവെന്ന് വനപാലകര്‍ അറിയിച്ചു. സംഭവത്തില്‍ അന്വേഷണ സംഘം പ്രദേശവാസികളില്‍ നിന്നും ലഭ്യമായ വിവരങ്ങള്‍ ശേഖരിച്ചിട്ടുണ്ട്.

Eng­lish Sum­ma­ry: The body of the ele­phant were found.

you may also like this video;

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.

Comments are closed.