28 March 2024, Thursday

Related news

October 1, 2023
September 30, 2023
September 17, 2023
September 16, 2023
August 16, 2023
June 12, 2023
June 11, 2023
June 2, 2023
May 26, 2023
May 24, 2023

റൊട്ടിയുടെ എണ്ണം കുറഞ്ഞുപോയെന്നാരോപിച്ച് റസ്റ്റൊറന്റ് ഉടമയെ തല്ലിക്കൊന്നു

Janayugom Webdesk
June 27, 2022 5:32 pm

പിറന്നാൾ ദിനത്തിൽ ഓർഡർ ചെയ്ത റൊട്ടിയുടെ എണ്ണം കുറഞ്ഞുപോയതിനെ തുടർന്നുണ്ടായ തർക്കത്തിൽ റസ്റ്റോറന്റ് ഉടമ യുവാവിനെ തല്ലിക്കൊന്നു. 30കാരനായ സണ്ണി എന്നയാളാണ് കൊല്ലപ്പെട്ടത്. ഉത്തർപ്രദേശിലെ ബറേലിയിലെ കാന്റ് പൊലീസ് സ്റ്റേഷൻ പരിധിയിലാണ് സംഭവം.

രണ്ട് സമുദായങ്ങളെ വിഷയം ബാധിക്കുന്നതിനാൽ മുൻകരുതൽ നടപടിയായി പ്രദേശത്ത് കൂടുതൽ സേനയെ വിന്യസിച്ചിട്ടുണ്ടെന്ന് പൊലീസ് അറിയിച്ചു. പിറന്നാൾ ആഘോഷത്തിനായി ഞായറാഴ്ച ചനെഹട്ടയിലെ റസ്റ്റോറന്റിൽ സണ്ണി 150 റൊട്ടികൾ ഓർഡർ ചെയ്യുകയും പണമടയ്ക്കുകയും ചെയ്തിരുന്നു. എന്നാൽ ഉടമ 40 റൊട്ടികൾ മാത്രം അയച്ചപ്പോൾ സണ്ണി തന്റെ ബന്ധുവിനൊപ്പം റസ്‌റ്റോറന്റിലെത്തി ഉടമയോട് വിഷയം ഉന്നയിച്ചു. തുടർന്ന് വാക്കേറ്റവും കയ്യാങ്കളിയുമായി.

ഹോട്ടലിന്റെ ഉടമ സീഷാൻ ജീവനക്കാരുമായി ചേർന്ന് രണ്ടുപേരെയും വടികൊണ്ട് ആക്രമിച്ച് ഗുരുതരമായി പരിക്കേൽപ്പിച്ചതായി സണ്ണിയുടെ പിതാവ് പൊലീസിൽ നൽകിയ പരാതിയിൽ പറയുന്നു. ഇരുവരെയും ഉടൻ ആശുപത്രിയിൽ എത്തിച്ചെങ്കിലും രാത്രിയോടെ സണ്ണി മരണത്തിന് കീഴടങ്ങി. ബന്ധുവായ ബബ്ലു ചികിത്സയിലാണ്. സീഷാനെ തിരയുന്നതിനിടെ ഇയാളുടെ രണ്ട് ബന്ധുക്കളെയും ഒരു തൊഴിലാളിയെയും അറസ്റ്റ് ചെയ്തതായി പൊലീസ് അറിയിച്ചു.

Eng­lish Sum­ma­ry: The restau­rant own­er was beat­en to death for alleged­ly in UP

You may like this video also

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.