ബാലികയെ കടയില് വിളിച്ച് കയറ്റി പീഡിപ്പിക്കാന് ശ്രമിച്ച് ഒളിവില് പോയ പ്രതി അറസ്റ്റില്. പൊന്നാനിയിലെ പൊടി മില്ലില് ജോലിക്കാരനായ ഷംസു (51) ആണ് അറസ്റ്റിലായത്. പെണ്കുട്ടിയും വീട്ടുകാരും പരാതിപ്പെട്ടതിനെ തുടര്ന്ന് ഇയാള് ഒളിവിലായിരുന്നു.
20 ദിവസത്തോളം വിവിധയിടങ്ങളില് താമസിച്ച് വരികയായിരുന്നു. മൊബൈല് ഫോണ് ഉപയോഗിക്കാതെയിരുന്നയായിരുന്നു പ്രതിയുടെ സഞ്ചാരം. ബന്ധുക്കളുടെയും സുഹൃത്തുക്കളുടെയും മൊബൈല് ഫോണ് നമ്പറുകള് കേന്ദ്രീകരിച്ചും സംസ്ഥാനത്തിന് പുറത്ത് പ്രതി പോകാനിടയുള്ള സ്ഥലങ്ങള് കേന്ദ്രീകരിച്ചും നടത്തിയ അന്വേഷണത്തിലാണ് തമിഴ്നാട്ടിലെ നാഗപട്ടണത്ത് നിന്ന് പൊന്നാനി പൊലീസ് ഷംസുവിനെ അറസ്റ്റ് ചെയ്തത്.
പൊന്നാനി പൊലീസ് ഇന്സ്പെക്ടര് എസ്. അഷ്റഫ്, എസ്ഐ സിവി ബിബിന്, എഎസ്ഐ വര്ഗീസ്, സീനിയര് സിവില് പൊലീസ് ഓഫിസര്മാരായ അഷ്റഫ്, നാസര്, എസ് പ്രശാന്ത് കുമാര് എന്നിവരടങ്ങുന്ന സംഘം ആണ് അറസ്റ്റ് ചെയ്തത്. ഇയാള് 10 വര്ഷം മുമ്പ് സമാനമായ മറ്റൊരു കേസിലും ഇയാൾ പ്രതിയായിട്ടുണ്ടെന്ന് പൊലീസ് പറഞ്ഞു. പൊന്നാനി കോടതിയില് ഹാജരാക്കിയ പ്രതിയെ റിമാന്ഡ് ചെയ്തു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.