28 March 2024, Thursday

Related news

March 14, 2024
March 8, 2024
March 2, 2024
December 23, 2023
September 25, 2023
September 12, 2023
August 23, 2023
August 6, 2023
July 8, 2023
June 15, 2023

യുഎന്‍ പ്രസ്താവനയില്‍ താലിബാനെ ഒഴിവാക്കി

Janayugom Webdesk
ന്യൂയോര്‍ക്ക്
August 29, 2021 10:37 pm

ഭീകരസംഘടനകളെക്കറിച്ചുള്ള യുഎന്‍ രക്ഷാസമിതിയുടെ പ്രസ്താവനയില്‍ നിന്നും താലിബാനെ ഒഴിവാക്കി. കാബൂള്‍ വിമാനത്താവളത്തിലെ ഭീകരാക്രമണത്തെ അപലപിച്ചുള്ള പ്രസ്താവനയിലാണ് അഫ്ഗാനിലെ ഭീകര സംഘടനകളെ പരാമര്‍ശിച്ചിടത്ത് താലിബാനെ ഒഴിവാക്കിയത്. യുഎന്‍ രക്ഷാ സമിതിയുടെ അധ്യക്ഷത വഹിക്കുന്നത് ഇന്ത്യയാണ്. സമിതിക്കു വേണ്ടി പുറത്തിറക്കിയ പ്രസ്താവനയില്‍ ഒപ്പിട്ടതും അധ്യക്ഷ പദവി വഹിക്കുന്ന ഇന്ത്യയുടെ യുഎന്‍ സ്ഥിരം പ്രതിനിധി ടി എസ് തിരുമൂര്‍ത്തിയാണ്.

മാസംതോറും മാറിവരുന്ന അധ്യക്ഷ പദവിയില്‍ ഈ മാസം ഇന്ത്യയുടെ ഊഴമായിരുന്നു. ഇതാദ്യമായാണ് താലിബാന് അനുകൂലമായി രാജ്യാന്തര സമൂഹത്തില്‍ നിന്നും ഒരു നീക്കമുണ്ടാകുന്നത്. മറ്റു രാജ്യങ്ങളില്‍ പ്രവര്‍ത്തിക്കുന്ന ഭീകരര്‍ക്ക് അഫ്ഗാനിലെ ഗ്രൂപ്പുകള്‍ പിന്തുണ നല്‍കരുതെന്നാണ് പ്രസ്താവനയില്‍ യുഎന്‍ ആവശ്യപ്പെട്ടിരിക്കുന്നത്. രണ്ടാഴ്ച മുമ്പുള്ള യുഎന്‍ രക്ഷാസമിതിയുടെ പ്രസ്താവനയില്‍ നിന്നും വളരെ വ്യത്യസ്തമാണ് പുതിയ പ്രസ്താവന. മറ്റു രാജ്യങ്ങളില്‍ പ്രവര്‍ത്തിക്കുന്ന ഭീകരര്‍ക്ക് താലിബാനോ മറ്റു അഫ്ഗാന്‍ ഗ്രൂപ്പുകളോ വ്യക്തികളോ പിന്തുണ നല്‍കരുതെന്നായിരുന്നു ഓഗസ്റ്റ് 16ന് യുഎന്‍ രക്ഷാ സമിതിയുടെ പ്രസ്താവന. രണ്ടാമത്തെ പ്രസ്താവനയില്‍ താലിബാന്‍ എന്ന വാക്ക് ഒഴിവാക്കുകയായിരുന്നു. 

ENGLISH SUMMARY:The Tal­iban was exclud­ed from the UN statement
You may also like this video

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.

Comments are closed.