Friday
13 Dec 2019

8 യുവതാരങ്ങളിലൂടെ ഹിഗ്വിറ്റയുടെ കിക്കോഫ്

By: Web Desk | Saturday 9 November 2019 5:33 PM IST


ഹിഗ്വിറ്റ എന്ന് പേരിട്ടിരിക്കുന്ന ചിത്രത്തിൽ സുരാജ്  വെഞ്ഞാറമൂടും നായികാ നായകൻ ഫെയിം വെങ്കിയും ആണ് പ്രധാന വേഷത്തിൽ എത്തുന്നത്. പൃഥ്വിരാജ് സുകുമാരൻ, ദുൽഖർ സൽമാൻ, കുഞ്ചാക്കോബോബൻ, ടോവിനോ തോമസ്, ആസിഫ് അലി, ഇന്ദ്രജിത്ത് സുകുമാരൻ, സൗബിൻ ഷാഹിർ, സണ്ണിവെയ്ൻ  എന്നിവരുടെ ഒഫീഷ്യൽ ഫേസ്ബുക്ക് ഇൻസ്റ്റാഗ്രാം പേജുകളിലൂടെ ആണ് ടൈറ്റിൽ പുറത്തു വിട്ടത്.

ഹേമന്ത് ജി നായർ രചനയും സംവിധാനവും  നിർവഹിക്കുന്ന ഹിഗ്വിറ്റയുടെ നിർമ്മാണം സെക്കന്റ് ഹാഫ് പ്രൊഡക്ഷൻസിന്റെ ബാനറിൽ ബോബി തര്യനും സജിത്ത് അമ്മയും ചേർന്നാണ്. ഷൈൻ ടോം ചാക്കോ, ബാലു വർഗീസ്, ജാഫർ ഇടുക്കി, ഇന്ദ്രൻസ്, ശ്രീകാന്ത് മുരളി, മാമൂക്കോയ,  സുധീഷ്,  മഞ്ജു പിള്ള, ശ്രീലക്ഷ്മി, നവാസ് വള്ളികുന്ന്, ഐ എം വിജയൻ  എന്നിവരാണ് ചിത്രത്തിൽ മറ്റു കഥാപാത്രങ്ങളെ അവതരിപ്പിക്കുന്നത്. ചിത്രത്തിന്റെ ഛായാഗ്രഹണം ഫാസിൽ നാസറും സംഗീതം രാഹുൽ രാജും നിർവഹിക്കുന്നു. എഡിറ്റിംഗ് കൈകാര്യം ചെയുന്നത് പ്രസീദ് നാരായണൻ ആണ്.

കലാസംവിധാനം സുനിൽ കുമാരനും ഗാനരചന വിനായക് ശശികുമാറും നിർവഹിക്കുന്നു. ചിത്രത്തിന്റെ പ്രൊഡക്ഷൻ കൺട്രോളർ ദീപക് പരമേശ്വരൻ ആണ്. മേക്കപ്പ് അമൽ ചന്ദ്രനും വസ്ത്രാലങ്കാരം നിസാർ റഹ്മത്തും സംഘട്ടനം മാഫിയ ശശിയും സൗണ്ട് ഡിസൈൻ അനീഷ് പി ടോമും ആണ്. ചീഫ് ആസോസിയേറ്റ് ഡയറക്ടർ ആകാശ് രാം കുമാർ, വി എഫ് എക്‌സ് ഡി ടി എം, സ്റ്റീൽസ് ഷിബി ശിവദാസ്,  ‌‍ഡിസൈൻ ആന്റണി സ്റ്റീഫൻ എന്നിവർ കൈകാര്യം ചെയുന്നു.. ചിത്രത്തിന്റെ ഷൂട്ടിങ് ഡിസംബർ അവസാനവാരം ആരംഭിക്കുന്നു.

Related News