August 12, 2022 Friday

Related news

June 8, 2022
June 30, 2021
June 28, 2021
June 2, 2021
February 13, 2021
October 1, 2020
July 29, 2020
January 28, 2020
January 28, 2020
January 28, 2020

അഭൂതപൂര്‍വമായ ജനപങ്കാളിത്തം അഭിമാനകരം: എൽഡിഎഫ് കൺവീനർ

Janayugom Webdesk
തിരുവനന്തപുരം
January 27, 2020 11:51 pm

പൗരത്വ നിയമ ഭേദഗതിക്കെതിരെ എല്‍ഡിഎഫ്‌ ആഹ്വാനം ചെയ്‌ത മനുഷ്യ മഹാശൃംഖലയിലെ അഭൂതപൂര്‍വമായ ജനപങ്കാളിത്തം അഭിമാനകരമാണെന്ന്‌ എല്‍ഡിഎഫ്‌ കണ്‍വീനര്‍ എ വിജയരാഘവന്‍ പ്രസ്‌താവനയില്‍ പറഞ്ഞു. മതപരമായി ജനതയെ ഭിന്നിപ്പിക്കുന്ന അനീതിക്കെതിരായി രാജ്യത്താകെ നടക്കുന്ന പോരാട്ടത്തിന്‌ കേരളത്തിന്റെ തെരുവീഥിയില്‍ അണിനിരന്ന ദശലക്ഷങ്ങള്‍ വലിയ കരുത്തും ആവേശവുമാണ്‌ പകര്‍ന്നിരിക്കുന്നത്‌. ഏതെങ്കിലും ഒരുവിഭാഗം മാത്രമല്ല, മതനിരപേക്ഷതയും ഭരണഘടനയും സംരക്ഷിക്കണമെന്ന്‌ ആഗ്രഹിക്കുന്ന ജനങ്ങളെല്ലാം പൂര്‍ണ്ണ മനസോടെ ശൃംഖലയില്‍ അണിചേരാന്‍ ഒഴുകി എത്തി. പൗരത്വ വിഷയത്തില്‍ കേരളം ഏറ്റെടുത്ത മുന്‍കൈയുടെ ഏറ്റവും മികവാര്‍ന്ന ഒരു ഏടായി മനുഷ്യമഹാശൃംഖലയെ മാറ്റാന്‍ സഹായിച്ച എല്ലാവരെയും, ശൃംഖലയില്‍ അണിചേര്‍ന്ന ജനലക്ഷങ്ങളെയും എല്‍ഡിഎഫിന്‌ വേണ്ടി അഭിവാദ്യം ചെയ്യുന്നു. പൗരത്വ നിയമഭേദഗതി പിന്‍വലിക്കുംവരെ ഈ പോരാട്ടം തുടരാന്‍ എല്‍ഡിഎഫ്‌ ജാഗ്രതയോടെ നിലയുറപ്പിക്കും. രാഷ്ട്രീയ ഭേദമന്യേ അണിനിരന്ന ജനങ്ങള്‍ നല്‍കുന്ന സന്ദേശം ഉള്‍ക്കൊള്ളാന്‍ യുഡിഎഫ്‌ നേതൃത്വം ഇനിയെങ്കിലും തയ്യാറാകണം. യുഡിഎഫ്‌ നേതാക്കളുടെ ആഹ്വാനം തള്ളി അവരുടെ അണികളുടെ വന്‍ പങ്കാളിത്തം മനുഷ്യമഹാശൃംഖലയില്‍ ദൃശ്യമായി. ഈ പങ്കാളിത്തം നല്‍കുന്ന തിരിച്ചറിവ്‌ കോണ്‍ഗ്രസ്‌— മുസ്ലീംലീഗ്‌ നേതൃത്വത്തിന്റെ കണ്ണുതുറപ്പിക്കുമെന്ന്‌ ഉറപ്പാണ്‌. മനുഷ്യമഹാശൃംഖല വന്‍വിജയമാക്കാന്‍ പ്രയത്‌നിച്ച എല്ലാ പ്രവര്‍ത്തകരേയും എല്‍ഡിഎഫ്‌ അഭിവാദ്യം ചെയ്തു.

Eng­lish sum­ma­ry: The unprece­dent­ed crowd par­tic­i­pa­tion is proud: LDF Convener

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.

Comments are closed.