കോവിഡ് ചികിത്സയിലായിരുന്ന യുവതി ആണ്‍കുഞ്ഞിന് ജന്മം നല്‍കി

കോവിഡ് ചികിത്സയിലായിരുന്ന യുവതി കുഞ്ഞിന് ജന്മം നല്‍കി. പരിയാരം മെഡിക്കൽ കോളേജിലാണ് സംഭവം. ചെറുവാഞ്ചേരി സ്വദേശിയായ യുവതിയാണ് ആണ‍കുഞ്ഞിന് ജന്മം നല്‍കിയത്. ഗൈനക്കോളജി വിഭാഗം മേധാവി ഡോ. അജിത്തിന്‍റെ നേതൃത്വത്തിൽ എല്ലാ സുരക്ഷാ മുൻകരുതലും സ്വീകരിച്ചായിരുന്നു സിസേറിയനിലൂടെ കുഞ്ഞിനെ പുറത്തെടുത്തത്.

അമ്മയെയും കുഞ്ഞിനെയും പ്രത്യേകം ഐസിയുവിലേയ്ക്ക് മാറ്റിയിരിക്കുകയാണ്. ഏപ്രില്‍ 17നാണ് കോവിഡ് ബാധിതയായ യുവതിയെ ആശുപത്രിയില്‍ പ്രവേശിപ്പിച്ചത്. എന്നാല്‍ രണ്ട് ദിവസം മുമ്പ് യുവതിയുടെ സ്രവ പരിശോധനാ ഫലം നെഗറ്റീവ് ആയിരുന്നു. ഈ മാസം 11 ന് കൊവിഡ് ചികിത്സയിലിരുന്ന കാസർകോട് സ്വദേശിനിയായ യുവതിയും പരിയാരം മെഡിക്കൽ കോളേജിൽ പ്രസവിച്ചിരുന്നു. മൂന്ന് ദിവസം മുമ്പാണ് ഇവര്‍ രോഗമുക്തി നേടി ആശുപത്രി വിട്ടത്.

Eng­lish Sum­ma­ry: The woman, who was under­go­ing treat­ment at Covid, gave birth to a boy.

you may also like this video;