‘ഇത് അവസാനത്തേതല്ല, അടുത്ത മഹാമാരിക്കായി ലോകം തയ്യാറെടുക്കണം’; മുന്നറിയിപ്പുമായി ഡബ്ലുഎച്ച്ഒ

കോവിഡ് വ്യാപനം അതിരൂക്ഷമാകുന്ന സാഹചര്യത്തിൽ കോവിഡിനെ തുരത്താൻ ലോകമെമ്പാടും വാക്സിനുകൾ കണ്ടുപിടിക്കുന്നുണ്ടെങ്കിലും ഈ രോഗബാധയെ പൂർണ്ണമായും തുടച്ചുമാറ്റാൻ ഇതിന് കഴിഞ്ഞിട്ടില്ല. ഇതിനിടയിൽ മറ്റൊരു മുന്നറിയിപ്പ് നൽകിയിരിക്കുകയാണ് ലോകാരോഗ്യ സംഘടന.

കോവിഡ് അവസാനത്തെ മഹാമാരിയല്ലെന്ന് ലോകാരോഗ്യ സംഘടന. പകർച്ച വ്യാധിയും മഹാമാരിയും ജീവിതത്തിലെ യാഥാർത്ഥ്യമാണൈന്നാണ് ചരിത്രം പഠിപ്പിക്കുന്നത്. എന്നാൽ അടുത്ത മഹാമാരി വരുമ്പോഴേക്കും ലോകം തയ്യാറായിരിക്കണം. ഇപ്പോഴുള്ളതിനേക്കാൾ കൂടുതൽ തയ്യാറായിരിക്കണമെന്ന് ലോകാരോഗ്യ സംഘടന ചീഫ് ടെഡ്രോസ് അഥനം ജനീവയിൽ പറഞ്ഞു. റഷ്യ ഇപ്പോൾ വാക്സിൻ കണ്ടുപിടിച്ചു കഴിഞ്ഞു.

എന്നാൽ അടുത്ത മഹാമാരി വരുമ്പോൾ ലോകം തയ്യാറിയിരിക്കണമെന്ന് മുന്നറിയിപ്പ് നൽകുമ്പോൾ ആരോഗ്യവും സുരക്ഷിതവുമാണ് ഭാവിയിലേക്കുള്ള നിക്ഷേപമെന്ന നിലയിൽ മെച്ചപ്പെട്ട രീതിയിൽ കെട്ടിപ്പടുക്കുന്നതിനായി പൊതുജനാരോഗ്യ മേഖലയിൽ രാജ്യങ്ങൾ കൂടുതൽ നിക്ഷേപം നടത്തണമെന്ന് ഡബ്ല്യുഎച്ച്ഒ പറയുന്നു. സാർസ്, മേർസ്, മീസെൽസ്, പോളിയോ, എബോള, ഫ്ളൂ, മറ്റ് രോഗങ്ങൾ എന്നിവയിൽ നിന്ന് മുമ്പ് പാഠം പഠിച്ചതിനാൽ നിരവധി രാജ്യങ്ങൾ മികച്ച പ്രകടനം നടത്തിയതായി ഡബ്ലുഎച്ച്ഒ വ്യക്തമാക്കി.

Eng­lish sum­ma­ry; ‘This is not the end, the world must pre­pare for the next pan­dem­ic’; WHO with warning

you may also like this video;