Web Desk

ന്യൂഡല്‍ഹി

October 06, 2020, 12:28 pm

രാജ്യത്തെ തിയറ്ററുകള്‍ 15 ന് തുറക്കും; മാര്‍ഗനിര്‍ദേശങ്ങള്‍ ഇവയെല്ലാം

Janayugom Online

രാജ്യത്തെ സിനിമാശാലകൾ ഈ മാസം 15 മുതൽ തുറക്കും. തിയറ്ററുകൾ തുറക്കുന്നതുമായി ബന്ധപ്പെട്ട് കേന്ദ്ര സർക്കാർ മാർഗരേഖ പുറത്തിറക്കി. അൺലോക്ക് അഞ്ചാംഘട്ടത്തിന്റെ ഭാഗമായാണ് തിയറ്ററുകൾ തുറക്കാനുളള അനുമതി നൽകിയത്. സീറ്റിങ് കപ്പാസിറ്റിയുടെ 50 ശതമാനം ഉപയോഗിച്ചു തിയറ്ററുകൾ തുറക്കാമെന്നതാണ് അൺലോക്ക് 5 ലെ പ്രധാന നിർദേശം.

കേന്ദ്ര സർക്കാർ പുറത്തിറക്കിയ മാർരേഖയിൽ 24 നിർദേശങ്ങളാണ് ഉൾക്കൊളളിച്ചിട്ടുളളത്. കണ്ടെയ്ൻമെന്റ് സോണിന് പുറത്തുളള പ്രദേശങ്ങളിൽ കൂടുതൽ പ്രവർത്തനങ്ങൾ ആരംഭിക്കുന്നതിന് അനുമതി നൽകികൊണ്ടാണ് ആഭ്യന്തര മന്ത്രാലയം പുതിയ മാർഗനിർദേശങ്ങൾ പുറത്തിറക്കിയത്.

പുതിയ മാര്‍ഗരേഖ;

  • സീറ്റിംഗ് കപ്പാസിറ്റിയുടെ 50% ത്തിൽ കൂടുതൽ അനുവദിക്കാൻ പാടില്ല
  • സാമൂഹിക അകലം നിർബന്ധമാക്കി സീറ്റിംഗ് ക്രമീകരണം
  • ഹാൻഡ് വാഷ് — ഹാൻഡ് സാനിറ്റൈസർ നിർബന്ധമായും ഉറപ്പാക്കണം
  • തെർമൽ സ്കാനിംഗ് നിർബന്ധം. രോഗലക്ഷണമില്ലാത്തവർക്ക് മാത്രം അകത്ത് പ്രവേശിക്കാം
  • സ്വയം രോഗ നിരീക്ഷണം നടത്തണം. ഏതെങ്കിലും തരത്തിലുളള ബുദ്ധിമുട്ടുകൾ ഉണ്ടെങ്കിൽ അറിയിക്കണം.
  • തിയറ്ററിലെ എസി 24–30 ഡിഗ്രി സെൽഷ്യയ് ആയി നിജപ്പെടുത്തണം
  • മാസ്ക് ധരിക്കൽ, സാമൂഹിക അകലം, കൈകളുടെ ശുചിത്വം തുടങ്ങി പൊതുജന താത്പര്യാർഥമുളള കോവിഡ്  നിയന്ത്രണങ്ങളെ സംബന്ധിച്ച് ഷോ തുടങ്ങുന്നതിനു മുമ്പും ശേഷവും ഇടവേളയിലും അനൗൺസ്മെൻറ് നടത്തണം.
  • ഷോകളുടെ സമയക്രമം കൃത്യമായി പാലിക്കണം
  • ഡിജിറ്റൽ പണമിടപാടുകൾ പ്രോത്സാഹിപ്പിക്കണം
  •  കൃത്യമായ ഇടവേളകളിൽ ശുചീകരണവും അണുവിമുക്ത പ്രവർത്തനങ്ങളും നടത്തണം
  • ബോക്സ് ഓഫീസുകളിൽ അത്യാവശ്യത്തിനുള്ള കൗണ്ടറുകൾ മാത്രം
  • ഇടവേളകൾക്കിടയിലുള്ള സഞ്ചാരം ഒഴിവാക്കണം
  • ക്യൂവിൽ സാമൂഹിക അകലം ഉറപ്പാക്കുന്നതിനായി തറയിൽ പ്രത്യേകം അടയാളങ്ങൾ നിർബന്ധം
  • അമിത തിരക്ക് ഒഴിവാക്കാൻ ടിക്കറ്റ് മുൻകൂട്ടി ബുക്ക് ചെയ്യാൻ സംവിധാനം
  •   തീയറ്ററിനുള്ളിലും പരിസരത്തും തുപ്പുന്നതിന് കർശന നിരോധനം
  • പാക്കേജ്ഡ് ഫുഡും ബെവറേജുകളും മാത്രമെ തിയറ്ററിനുള്ളിൽ അനുവദിക്കു. ഹാളിനുള്ളിൽ ഡെലിവറി സംവിധാനം അനുവദിക്കില്ല
  • ഭക്ഷണവിതരണത്തിനായി കൗണ്ടറുകളുടെ എണ്ണം കൂട്ടണം
  • ശുചീകരണ ജീവനക്കാരുടെ സുരക്ഷ ഉറപ്പാക്കണം. ഗ്ലൗസ്, ബൂട്ട്സ്, പിപിഇ, മാസ്ക് എന്നിവയ്ക്കുള്ള സൗകര്യം ഉറപ്പാക്കണം.

ENGLISH SUMMARY: the­aters will open in 15; guide­lines come out

YOU MAY ALSO LIKE THIS VIDEO