June 29, 2022 Wednesday

Latest News

June 29, 2022
June 29, 2022
June 29, 2022
June 29, 2022
June 29, 2022
June 29, 2022
June 29, 2022
June 29, 2022
June 29, 2022
June 29, 2022

ഇന്ത്യയിലെ ഈ ആശുപത്രിയിൽ അഞ്ചു മാസത്തിനിടെ റോബോട്ടുകൾ ചെയ്തത് 27 ഹൃദയ ശസ്ത്രക്രിയകൾ

By Janayugom Webdesk
December 21, 2019

ബംഗളൂരു: ഒട്ടുമിക്ക മേഖലകളിലും റോബോട്ടുകളുടെ സാന്നിധ്യം ഉണ്ട്. ശസ്ത്രക്രിയാരംഗത്തുൾപ്പെടെ എല്ലാ മേഖലയിലും ഇവയുടെ ഉപയോഗം ഇന്ന് വ്യാപകമാണ്. പ്രതിമാസം 500 ലധികം റോബോട്ടിക് ശസ്ത്രക്രിയകൾ ഇന്ത്യയിൽ നടക്കുന്നുവെന്നാണ് കണക്ക്. എന്നാൽ ഹൃദ്രോഗരംഗത്ത് ഇതിന്റെ സാധ്യതകൾ കൂടുതലായി പരീക്ഷിക്കപ്പെട്ടിരുന്നില്ല. ഹൃദ്രോഗ രംഗത്തും റോബോട്ടുകളെ ഉപയോഗിച്ചുള്ള  ശസ്ത്രക്രിയയ്ക്ക് തുടക്കമിട്ടിരിക്കുകയാണ് ബംഗളൂരു ബന്നാർഗട്ടയിലുളള അപ്പോളോ ആശുപത്രി. അഞ്ചുമാസത്തിനിടെ ഇവിടെ  നടന്നത് റോബോട്ടുകളെ ഉപയോഗിച്ചുകൊണ്ടുളള 27 ഹൃദയ ശസ്ത്രക്രിയകളാണ്. ഹൃദയവാൽവുകൾ മാറ്റിവയ്ക്കുന്ന ശസ്ത്രക്രിയകളും ഹൃദയ അറകളുടെ ദ്വാരം അടക്കുന്ന ശസ്ത്രക്രിയകളും ഇതിൽ ഉൾപ്പെടും. ഇന്ത്യയിലാദ്യമായാണ് റോബോട്ടിക് ഹൃദയശസ്ത്രക്രിയ സ്ഥിരാടിസ്ഥാനത്തിൽ നടത്തുന്നതെന്ന് ശസ്ത്രക്രിയകൾക്കു നേതൃത്വം നൽകിയ ഡോ. സാത്യകി നമ്പാല മാധ്യമങ്ങളോട് പറഞ്ഞു.

ഹൃദ്രോഗ ചികിത്സയിൽ അപ്പോളോ ആശുപത്രിയിൽ ആദ്യത്തെ റോബോട്ടിക് ശസ്ത്രക്രിയ നടന്നത് 2019 ആഗസ്തിലാണ്. 32 കാരനായ യുവാവിനു ഹൃദയവാൽവ് മാറ്റിവെയ്ക്കുന്ന ശസ്ത്രക്രിയയായിരുന്നു. ശസ്ത്രക്രിയക്കു ശേഷം മൂന്നാമത്തെ ദിവസം യുവാവിന് ആശുപത്രിവിടാൻ കഴിഞ്ഞു. റോബോട്ടിക് ശസ്ത്രക്രിയ സ്ഥിരാടിസ്ഥാനത്തിൽ നടപ്പാക്കാനാണ് ഉദ്ദേശിക്കുന്നത്. ആഴ്‌ച്ച യിൽ നാലു റോബോട്ടിക് ശസ്ത്രക്രിയകൾ വരെ നടത്താറുണ്ടെന്നും ഡോ.സാത്യകി പറഞ്ഞു.

you may also like this video;

രാജ്യത്തെ ചുരുക്കം ചില ആശുപത്രികൾ മാത്രമാണ് ഹൃദയ ശസ്ത്രക്രിയാ രംഗത്ത് റോബോട്ടുകളെ ഉപയോഗിക്കാനുള്ള ശ്രമം നടത്തിയത്. വിദേശ രാജ്യങ്ങളിൽ നിന്നുള്ള ഡോക്ടർമാരുടെ സഹായത്തോടെയായിരുന്നു ഇതിൽ മിക്കവയും. ഈ ശസ്ത്രക്രിയകളിലധികവും പരാജയപ്പെടുകയോ അവയ്ക്ക് തുടർച്ചയുണ്ടാവുകയോ ചെയ്തില്ല. ഡോക്ടർ പറഞ്ഞു.

റോബോട്ടിക് ശസ്ത്രക്രിയ പൂർണ്ണമായും ഡോക്ടറുടെ നിയന്ത്രണത്തിലായിരിക്കും. ഇവയിൽ ഘടിപ്പിച്ചിരിക്കുന്ന നാലു യന്ത്ര കൈകൾ ഡോക്ടറുടെ നിർദ്ദേശ പ്രകാരം പ്രവർത്തിക്കുമ്പോൾ ഒരു കൈയ്യിൽ ക്യാമറ ഘടിപ്പിച്ചിരിക്കും. ത്രിമാന സാങ്കേതിക വിദ്യയുടെ സഹായത്തോടെയാണ് ആന്തരാകവയവങ്ങളുടെ ദൃശ്യങ്ങൾ കാണാനാവുക. ഇത് കാരണം ശസ്ത്രക്രിയ കൂടുതൽ സൂക്ഷ്മവും കാര്യക്ഷമവുമായിരിക്കും. നെഞ്ചിലെ എല്ല് കീറിമുറിക്കാതെ വളരെ ചെറിയ ദ്വാരങ്ങൾ ഉണ്ടാക്കിയാണ് ശസ്ത്രക്രിയയെന്നതിനാൽ അണുബാധയ്ക്കുള്ള സാധ്യത വളരെയധികം കുറയുകയും ശരീരത്തിൽ നിന്നും രക്തം നഷ്ടപ്പെടുകയില്ലെന്നും ഡോക്ടർ പറഞ്ഞു. പരമ്പരാഗത ഹൃദയശസ്ത്രക്രിയകളേക്കാൾ റോബോട്ടിക് ശസ്ത്രക്രിയയ്ക്ക് 10 മുതൽ 15 ശതമാനം വരെ ചിലവ് കൂടുതലാണ്.

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.

Comments are closed.