Friday
22 Nov 2019

12 കോടി ഒന്നാം സമ്മാനവുമായി തിരുവോണം ബംബര്‍; ആദ്യ വില്പന തൃശൂരില്‍

By: Web Desk | Sunday 21 July 2019 1:57 PM IST


തൃശൂര്‍: സംസ്ഥാന ഭാഗ്യക്കുറി വകുപ്പിന്റെ ചരിത്രത്തിലെ ഏറ്റവും ഉയര്‍ന്ന സമ്മാനതുകയായ 12 കോടി രൂപ ഒന്നാം സമ്മാനം നല്‍കുന്ന ഈ വര്‍ഷത്തെ തിരുവോണം ബംബര്‍ ഭാഗ്യക്കുറിയുടെ സംസ്ഥാന തല ടിക്കറ്റ് പ്രകാശനം തൃശൂര്‍ കളക്ടറേറ്റ് കോണ്‍ഫറന്‍സ് ഹാളില്‍ പൊതു വിദ്യാഭ്യാസ വകുപ്പ് മന്ത്രി പ്രൊഫ. സി രവീന്ദ്രനാഥ് നിര്‍വഹിച്ചു. ആദ്യ വില്‍പന കൃഷിവകുപ്പ് മന്ത്രി അഡ്വ. വി.എസ് സുനില്‍ കുമാര്‍ നിര്‍വഹിച്ചു.

പാര്‍ശ്വവത്ക്കരിക്കപ്പെട്ടവര്‍ക്ക് ആശ്വാസമാണ് കേരള ഭാഗ്യക്കുറിയെന്ന് മന്ത്രി സി. രവീന്ദ്രനാഥ് പറഞ്ഞു. സുതാര്യതയാണ് അതിന്റെ വിജയം. ഇതുവരെയും അര്‍ഹിക്കുന്നവരുടെ കൈകകളിലാണ് സമ്മാനമെത്തിയിട്ടുള്ളതെന്ന കാര്യത്തില്‍ സര്‍ക്കാരിന് അഭിമാനമുണ്ട്. തിരുവോണം ബംബര്‍ ഭാഗ്യക്കുറി വില്പനയിലൂടെ ലഭിക്കുന്ന തുക നാടിന്റെ പുനരധിവാസം, പുനര്‍നിര്‍മാണ പ്രവര്‍ത്തനങ്ങള്‍ എന്നിവക്കും ആരോഗ്യ, കാര്‍ഷിക, വിദ്യാഭ്യാസ മേഖലകളില്‍ വിനിയോഗിക്കാവുന്ന തരത്തിലും ചെന്നെത്തണമെന്നും വിദ്യാഭ്യാസ വകുപ്പ് മന്ത്രി പറഞ്ഞു.

thiruvonam bumper

തിരുവോണം ബംബറിന്റെ ആദ്യ ടിക്കറ്റ് മേയര്‍ അജിത വിജയന്‍ ഏറ്റുവാങ്ങി. ജില്ലാ കളക്ടര്‍ എസ് ഷാനവാസ്, കൗണ്‍സിലര്‍ എ പ്രസാദ്, ഭാഗ്യക്കുറി വകുപ്പ് ഡയറക്ടര്‍ ഇന്‍ ചാര്‍ജ് എം ആര്‍ സുധ, ഭാഗ്യക്കുറി വകുപ്പ് സമ്മാന വിഭാഗം ഡെപ്യൂട്ടി ഡയറക്ടര്‍ കെ ഡി അപ്പച്ചന്‍, ഭാഗ്യക്കുറി വകുപ്പ് പബ്ലിസിറ്റി ഓഫീസര്‍ അനില്‍ ഭാസ്‌കര്‍, തൃശൂര്‍ ജില്ലാ ഭാഗ്യക്കുറി ഓഫീസര്‍ അനില്‍, അസി. ഭാഗ്യക്കുറി ഓഫീസര്‍ ഷാജു, വിവിധ ഏജന്‍സി പ്രതിനിധികളായ സി ജി ദിവാകര്‍, പി എന്‍ സതീഷ്, വി കെ ലതിക, കെ കെ ഗോപി, ബേബി നെല്ലിക്കുഴി, പി എസ് രാധാകൃഷ്ണന്‍, പി ആര്‍ ഹരി, ഗീവര്‍, പി എം ആന്റോ എന്നിവര്‍ പങ്കെടുത്തു.

സെപ്തംബര്‍ 19 ന് നറുക്കെടുക്കുന്ന തിരുവോണം ബംബര്‍ ഭാഗ്യക്കുറിയുടെ ഒന്നാം സമ്മാനമായ 12 കോടി രൂപയ്ക്കു പുറമേ രണ്ടാം സമ്മാനമായി 10 പേര്‍ക്ക് 5 കോടി രൂപയും മൂന്നാം സമ്മാനം 20 പേര്‍ക്ക് 2 കോടി രൂപയും നല്‍കും. സമാശ്വാസ സമ്മാനമായി 5 ലക്ഷം രൂപ ഒമ്പത് പേര്‍ക്ക് ലഭിക്കും. കൂടാതെ ഒരു ലക്ഷം രൂപയുടെ 180, 5000 രൂപയുടെ 31500, 3000 രൂപയുടെ 31500, 2000 രൂപയുടെ 45000, 1000 രൂപയുടെ 217800 എണ്ണം സമ്മാനങ്ങളും ലഭിക്കും. 90 ലക്ഷത്തോളം ടിക്കറ്റുകളാണ് തിരുവോണം ഭാഗ്യക്കുറി ബംബറില്‍ അച്ചടിച്ചു വില്‍ക്കുന്നത്.

thiruvonam bumper

Related News