Web Desk

തൃശ്ശൂര്‍

January 26, 2022, 7:31 pm

മൂന്ന് ദിവസം പ്രായമായ ആനക്കുട്ടിയെ അവശനിലയില്‍ കണ്ടെത്തി

Janayugom Online

തൃശ്ശൂര്‍ ചിമ്മിനി കാട്ടില്‍ മൂന്ന് ദിവസം പ്രായമായ ആനക്കുട്ടിയെ അവശനിലയില്‍ കുഴിയിൽ കണ്ടെത്തി. പാലപ്പിള്ളി റേഞ്ച്  വെള്ളിക്കുളങ്ങര റൂട്ടിലെ കുണ്ടായിയിൽ ബുധനാഴ്ച രാവിലെയാണ് വനപാലകര്‍ കാട്ടിനുള്ളില്‍ ആനക്കുട്ടിയെ കണ്ടെത്തിയത്. നടക്കാനാകാത്ത സ്ഥിതിയിലാണ് ആനക്കുട്ടിയുള്ളത്.

വനപാലകര്‍ വിവരമറിയിച്ചതനുസരിച്ച്‌ വനം വകുപ്പ് വെറ്റിനറി സര്‍ജന്‍ സ്ഥലത്തെത്തി പ്രാഥമിക ചികിത്സ നല്‍കി. ആനക്കുട്ടിയുടെ മോശം ആരോഗ്യസ്ഥിതി മൂലം മറ്റ് ആനകള്‍ ഉപേക്ഷിച്ചതാകാമെന്നാണ് നിഗമനം. ആരോഗ്യസ്ഥിതി വീണ്ടെടുത്താല്‍ ആനക്കുട്ടിയെ കാട്ടിലേക്ക് വിടാമെന്നാണ് കരുതുന്നതെന്ന് വനപാലകര്‍ അറിയിച്ചു

Eng­lish sum­ma­ry : three days old calves found in dig

you may also like this