വീട്ടുമുറ്റത്ത് കളിച്ചുകൊണ്ടിരുന്ന മൂന്ന് വയസ്സുകാരിയെ പുലി കടിച്ചുകീറി കൊന്നു

വീട്ടുമുറ്റത്ത് കളിച്ചുകൊണ്ടിരുന്ന മൂന്ന് വയസ്സുകാരിയെ പുലി കടിച്ചുകീറി കൊന്നു. കര്‍ണാടകയിലെ തുംകുരുവിലുള്ള ബയ്ചന്‍ഹള്ളി ഗ്രാമത്തിലാണ് നാടിനെ നടുക്കിയ സംഭവം. രാത്രിയിൽ വീടിന് പുറത്ത് കളിച്ചുകൊണ്ടിരുന്ന കുട്ടിയെ കാണാതിരുന്നതിനെ തുടർന്ന് വീട്ടുകാർ നടത്തിയ അന്വേഷണത്തിനൊടുവിലാണ് വീടിന് സമീപത്ത് നിന്ന് മൃതദേഹം കണ്ടെത്തിയത്.

കുട്ടിയുടെ ദേഹത്ത് പുലിയുടെ ആക്രമണത്തിന്റെ പാടുകൾ ഉണ്ടായിരുന്നു. നേരത്തെ പുലിയുടെ ആക്രമണത്തിൽ അഞ്ചുവയസ്സുള്ള ആൺകുട്ടിയും അറുപത് വയസ്സുള്ള രണ്ട് പേരും കൊല്ലപ്പെട്ടിരുന്നു. പുലിയെ പിടികൂടണമെന്ന് നാട്ടുകാര്‍ നിരന്തരം ആവശ്യപ്പെടുന്നുണ്ടെങ്കിലും വനം വകുപ്പ് അധികൃതർ അനാസ്ഥ കാട്ടുകയാണെന്നാണ് നാട്ടുകാരുടെ ആരോപണം.

Eng­lish Sum­ma­ry: Leop­ard kill three years old girl.

you may also like this video;