Web Desk

കൊളമ്പോ

March 03, 2020, 9:12 pm

ശ്രീലങ്കൻ പര്യടനം; ഇംഗ്ലണ്ട് താരങ്ങളാരും ഹസ്തദാനം ചെയ്യില്ല: ജോ റൂട്ട്

Janayugom Online

ശ്രീലങ്കൻ പര്യടനത്തിനെത്തുന്ന ഇംഗ്ലണ്ട് താരങ്ങളാരും തന്നെ ഹസ്തദാനം ചെയ്യില്ല എന്ന് ഇംഗ്ലണ്ട് ക്യാപ്ടൻ ജോ റൂട്ട് പ്രഖ്യാപിച്ചു. ലോകമെമ്പാടും പടർന്നു പിടിക്കുന്ന കൊറോണ വൈറസ് കാരണമാണ് ഇംഗ്ലണ്ട് ടീമിന്റെ നടപടി. അടുത്തിടെ നടന്ന ദക്ഷിണാഫ്രിക്കന്‍ പര്യേടനത്തിനിടയ്ക്ക് താരങ്ങൾക്ക് പനിയും ഗാസ്ട്രോ എന്റർടറിസ് പോലുള്ള അസുഖങ്ങൾ പിടിപ്പെട്ടിരുന്നു. പകർചവ്യാധികൾ തടയുന്നതിനും കൂടിയാണ് ടീമിന്റെ ഈ നടപടി.

ശ്രീലങ്കയുമായി ടീം രണ്ട് സന്നാഹ മത്സരങ്ങൾ കളിക്കുന്നുണ്ട്. കടുനായക സ്റ്റേഡിയത്തിൽ വച്ച് ശനിയാഴ്ച മത്സരം നടക്കുക. കുറച്ചു മാസങ്ങൾക്ക് മുമ്പ് ലോകമൊട്ടുക്ക് പടർന്ന് പിടിക്കുന്ന കൊവിഡ്-19 കാരണം ധാരാളം കായികമത്സരങ്ങൾ മാറ്റിവച്ചിട്ടുണ്ട്.52 ഓളം രാജ്യങ്ങളിൽ ഇപ്പോൾതന്നെ കൊവിഡ്-19 പടർന്നു പിടിച്ചിട്ടുണ്ട്. മൂവായിരത്തോളം ആളുകളാണ് ഈ വൈറസ് രോഗം മൂലം മരണപ്പെട്ടത്.

ENGLISH SUMMARY: Tour of Sri Lan­ka; No Eng­land play­ers shak­ing hands: Joe Root

YOU MAY ALSO LIKE THIS VIDEO