മുംബൈ: മുംബൈയിൽ ട്രെയിനിൽ നിന്നും വീണ് യുവതിക്ക് ദാരുണാന്ത്യം. ചാർമി പ്രസാദ് (22) യെന്ന യുവതിയാണ് മരിച്ചത്.. ദൊമ്ബിവിലി കോപാർ സ്റ്റേഷനിടയിലാണ് അപകടം നടന്നത്. അപകടം നടന്നതിന് ശേഷം ഗുരുതരമായി പരുക്കേറ്റ യുവതിയെ അടുത്തുള്ള ആശുപത്രിയിലേക്ക് എത്തിച്ചെങ്കിലും രക്ഷിക്കാനായില്ല. തിങ്കളാഴ്ച രാവിലെ 9.30യോടെയാണ് അപകടം നടന്നത്. അതിവേഗം ഓടുന്ന ട്രെയിനിൽ നിന്നും അബദ്ധത്തിൽ പുറത്തേക്ക് വീഴുകയായിരുന്നുവെന്നാണ് പൊലീസ് പറയുന്നത്. സ്വകാര്യ സ്ഥാപനത്തിലാണ് യുവതി ജോലി ചെയ്യുന്നത്. അവിടേക്കുള്ള യാത്രയ്ക്കിടെയാണ് അപകടം നടന്നത്.

രാവിലത്തെ തിരക്കുള്ള സമയത്ത് ട്രെയിനിൽ നിന്നും താഴേക്ക് വീണതാകാം എന്നു തന്നെയാണ് ലോക്കൽ റെയിൽവേ പൊലീസും വ്യക്തമാക്കുന്നത്. സബർബൻ ട്രെയിനുകളിൽ നിന്നും വീണ് ദിവസേന അപകടങ്ങൾ പതിവായിരിക്കുകയാണ്. നിരവധിപേർക്കാണ് ജീവൻ നഷ്ടമകുന്നത്. 10 വർഷത്തിനിടെ 27,000 പേർക്കാണ് സബർബൻ ട്രെയിനുകളിൽ നിന്ന് വീണ് മരിച്ചിരിക്കുന്നത്.

you may also like this video