ടെലിവിഷന്‍ റേറ്റിങ്ങില്‍ തട്ടിപ്പ് നടത്തിയ കേ­സില്‍ റിപ്പബ്ലിക് ടിവി ഉള്‍പ്പെടെയുള്ള ചാനലുകള്‍ക്ക് കുരുക്ക് മുറുകുന്നു. തട്ടിപ്പ് നടത്തുന്നതിന്റെ ഭാഗമായി വീട്ടുകാര്‍ക്ക് പണം വിതരണം ചെയ്ത പ്രതിയായ ഉമേഷ് മിശ്ര മാപ്പുസാക്ഷിയാകുമെന്നാണ് സൂചന. കേസില്‍ നാല് പ്രതികള്‍ ഇതുവരെ കുറ്റസമ്മതം നടത്തിയിട്ടുണ്ട്.

ഇവർ നാലുപേരുടെയും രഹസ്യമൊഴി മജിസ്ട്രേറ്റ് രേഖപ്പെടുത്തിയിട്ടുണ്ട്. ഇവർക്ക് നാലുപേർക്കും ജാമ്യം ലഭിക്കുകയും ചെയ്തു. നാലുപേരുടെ ജാമ്യാപേക്ഷ കോടതി തള്ളി. വെള്ളിയാഴ്ച പിടിയിലായ ഹരീഷ് പാട്ടീൽ എന്നയാൾ ഉൾപ്പെടെ ആകെ ഒമ്പതുപേരാണ് അറസ്റ്റിലായിട്ടുള്ളത്. സംഭവത്തിൽ അർണബ് ഗോസ്വാമി ഉൾപ്പെടെയുള്ളവർ കുടുങ്ങുന്ന രീതിയിലാണ് മുംബൈ പൊലീസിന്റെ അന്വേഷണം മുന്നോട്ടുപോകുന്നത്.

ചാനലിന്റെ റേറ്റിങ് കൂടുന്നതിനായി ആളുകളെ പണം നല്‍കി സ്വാധീനിച്ചതായാണ് കേ­സ്. ഒക്ടോബര്‍ 16നാണ് മിശ്ര അറസ്റ്റിലാകുന്നത്. റിപ്പബ്ലിക് ടിവി, ഫക്ത് മറാത്തി, ബോക്സ് സിനിമ, ന്യൂസ് നേഷൻ, മഹാമൂവീസ് എന്നിവയാണ് അന്വേഷണം നേരിടുന്നത്.

Eng­lish sum­ma­ry; trp fraud case updation

You may also like this video;