Web Desk

ന്യൂഡൽഹി

January 31, 2020, 8:29 am

ബാങ്ക് ജീവനക്കാർ ഇന്നും നാളെയും പണിമുടക്കും

Janayugom Online

ബാങ്ക് ജീവനക്കാരുടെ സേവന വേതന വ്യവസ്ഥകൾ പരിഷ്കരിക്കുക, പുതിയ പെൻഷൻ സംവിധാനം പിൻവലിക്കുക തുടങ്ങിയ ആവശ്യങ്ങൾ ഉന്നയിച്ച് രാജ്യത്തെ ബാങ്ക് ജീവനക്കാർ ഇന്നും നാളെയും പണിമുടക്കുന്നു. കരാർ പ്രകാരമുള്ള വേതനപരിഷ്ക്കരണം നടപ്പാക്കുക, ആഴ്ച്ചയിൽ അഞ്ച് ദിവസം പ്രവർത്തിദിനം നടപ്പിലാക്കുക, സ്പെഷ്യൽ അലവൻസ് അടിസ്ഥാന ശമ്പളത്തോടൊപ്പം സംയോജിപ്പിക്കുക, പെൻഷൻ പരിഷ്ക്കരിക്കുക, കുടുംബപെൻഷൻ വർധിപ്പിക്കുക, പ്രവർത്തന ലാഭത്തിന്റെ അടിസ്ഥാനത്തിൽ സ്റ്റാഫ് വെൽഫെയർ ഫണ്ട് പുതുക്കി നിശ്ചയിക്കുക, വിരമിക്കൽ ആനുകൂല്യങ്ങൾക്ക് നികുതി ഒഴിവാക്കുക തുടങ്ങിയ ആവശ്യങ്ങൾ ഉന്നയിച്ചാണ് രണ്ട് ദിവസത്തെ പണിമുടക്ക്. ഇതോടെ രാജ്യത്തെ ബാങ്കുകളുടെ പ്രവർത്തനം പൂർണമായും അവതാളത്തിലാകും. എടിഎമ്മുകളുടെ പ്രവർത്തനവും മുടങ്ങും.

 

Eng­lish Sum­ma­ry: Two days bank strike starts

You may also like this video