ക്യൂബയില് ഒരുമണിക്കൂറിനുള്ളില് രണ്ട് ഭൂചലനങ്ങള്. ദക്ഷിണ ക്യൂബയിലാണ് ഭൂചലനമുണ്ടായത്. വന് നാശനഷ്ടമുണ്ടായെങ്കിലും മരണങ്ങള് റിപ്പോര്ട്ട് ചെയ്തിട്ടില്ല. 5.9 തീവ്രത രേഖപ്പെടുത്തിയ ഭൂചലനമാണ് റിപ്പോര്ട്ട് ചെയ്തത്.
തെക്കന് ഗ്രാന്മ പ്രവിശ്യയിലെ ബാര്ട്ടലോം മാസോ തീരത്തുനിന്ന് ഏകദേശം 25 മൈല് അകലെയാണ് 6.8 തീവ്രതയില് രേഖപ്പെടുത്തിയ രണ്ടാമത്തെ ഭൂചലനമുണ്ടായത്. കരീബിയന് ദ്വീപ് രാഷ്ട്രത്തിലുടനീളം ഭൂചലനം അനുഭവപ്പെട്ടതായും രാജ്യാന്തര മാധ്യമങ്ങള് റിപ്പോര്ട്ട് ചെയ്തു.
ഭൂചലനത്തിന്റെ ആഘാതത്തില് വലിയ തോതില് മണ്ണിടിച്ചിലുണ്ടായെന്ന് ക്യൂബന് പ്രസിഡന്റ് മിഗ്വല് ഡിയസ് കനാല് പറഞ്ഞു. വൈദ്യുതി ലൈനുകള്ക്കും കേടുപാടുകള് സംഭവിക്കുകയും ചെയ്തു. ഭൂചനലത്തെ തുടര്ന്ന് രാജ്യത്ത് സുനാമി മുന്നറിയിപ്പില്ല. സാന്റിയാഗോ ഡി ക്യൂബ, ഹോള്ഗുയിന് തുടങ്ങിയ നഗരങ്ങളില് ഉള്പ്പെടെ ക്യൂബയുടെ കിഴക്കന് ഭാഗങ്ങളില് മുഴക്കം അനുഭവപ്പെട്ടു. ദ്വീപിന് ഭൂചലനം അനുഭവപ്പെട്ടതായി ജമൈക്കയിലെ പ്രാദേശിക മാധ്യമങ്ങളും റിപ്പോര്ട്ട് ചെയ്തു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.