കിണറ്റില്‍ വീണ രണ്ട് അതിഥി തൊഴിലാളികൾ മരിച്ചു

ഫെഡറൽ ബാങ്ക് പ്രവർത്തിക്കുന്ന കെട്ടിടത്തിന്റെ മുകളിൽ നിർമ്മാണ പ്രവൃത്തികളിലേർപ്പെട്ട രണ്ട് അതിഥി തൊഴിലാളികൾ കെട്ടിടത്തിന് മുകളിൽ നിന്ന് പലക പൊട്ടി താഴെയുള്ള കിണറിലേക്ക് വീണു മരിച്ചു. പശ്ചിമ ബംഗാൾ, പുട്ടിമാരി ബൊക്ഷിപ്പ് സ്വദേശികളായ ശ്യാമള്‍ ബർമ്മൻ (25), നിതു ബിസ്വാസ് (36) എന്നിവരാണ് മരിച്ചത്. തിങ്കളാഴ്ച വൈകിട്ട് 5 മണിയോടെയാണ് അപകടമുണ്ടായത്. 

അപകടത്തെ തുടർന്ന് ഫയർഫോഴ്സും, കരിമ്പുഴ ട്രോമാകെയർ യൂണിറ്റ് പ്രവർത്തകരും ചേർന്ന് ഇരുവരെയും പുറത്തെടുത്ത് ആശുപത്രിയിൽ എത്തിച്ചെങ്കിലും മരണം സംഭവിച്ചിരുന്നു. 20 അടിയോളം ഉയരമുള്ള കെട്ടിടത്തിനു മുകളിൽ നിന്നാണ് ഇരുവരും കിണറിലേക്ക് പതിച്ചത്. തറനിരപ്പിൽ നിന്നും 34 അടിയോളം താഴ്ചയുണ്ട് കിണറിന്. ഇതിൽ 17 അടിയോളം വെള്ളവും ഉണ്ട്.
eng­lish summary;Two guest work­ers died after falling into a well
you may also like this video;