കൊറോണ വൈറസ്; ഐസൊലേഷൻ വാർഡിൽ നിന്ന് രണ്ടു പേര്‍ മുങ്ങി

കൊറോണ വൈറസ് ബാധിച്ചിട്ടുണ്ടെന്ന് സംശയിച്ച് മധ്യപ്രദേശിലെ ഐസൊലേഷൻ വാർഡിൽ നിരീക്ഷിച്ചിരുന്നു രണ്ടുപേരെ കാണാതായി. ഐസൊലേഷൻ വാർഡിൽ നിന്ന് കാണാതായവരിൽ ഒരാൾ കൊറോണ വൈറസിന്റെ പ്രഭവകേന്ദ്രമായ വുഹാനിൽ നിന്ന് എത്തിയ യുവാവാണ്. കൊറോണയുടെ ലക്ഷണങ്ങളായ ചുമ, ജലദോഷം, തൊണ്ടവേദന, തുടങ്ങിയവ വിദ്യാർത്ഥിയിൽ കണ്ടതിനെ തുടർന്നാണ് ഐസൊലേഷൻ വാർഡിൽ പ്രവേശിപ്പിച്ചത്. ഞായറാഴ്ചയാണ് പരിശോധനക്കായി സാമ്പിളുകള്‍ ശേഖരിക്കാന്‍ തീരുമാനിച്ചിരുന്നത്. എന്നാല്‍ അതിന് മുമ്പുതന്നെ ഇയാളെ കാണാതാവുകയായിരുന്നുവെന്ന് ആശുപത്രി അധികൃതര്‍ അറിയിച്ചു.

ഐസൊലേഷൻ വാർഡിൽ നിന്ന് ചാടിയ രണ്ടാമത്തെയാൾ ജബൽപൂരിയിലാണ്. നിരീക്ഷിച്ച് വരുന്നതിനിടയിലാണ് ഇയാളെയും കാണാതായത്. ഇരുവരെയും കണ്ടെത്താനുള്ള നടപടികൾ സ്വീകരിച്ചു വരികയാണെന്ന് അധികൃതർ അറിയിച്ചു.

Eng­lish sum­ma­ry: Two per­sons miss­ing from iso­la­tion ward

YOU MAY ALSO LIKE THIS VIDEO