അശ്ലീല ദൃശ്യങ്ങൾ കാണിച്ച് ആറാം ക്ലാസ് വിദ്യാർത്ഥിയെ ലൈംഗികമായി പീഡിപ്പിച്ച കേസിൽ രണ്ട് അധ്യാപകരടക്കം അഞ്ച് പേര്‍ പിടിയില്‍. നന്ദെഡ് ജില്ലയിലാണ് സംഭവം. പിടിയിലാവര്‍ക്കെതിരെ പോക്സോ നിയമപ്രകാരമാണ് കേസ് എടുത്തിരിക്കുന്നത്. സാംസ്കാരിക പരിപാടിയുടെ വീഡിയോ കാണിക്കാനാണെന്ന വ്യാജേന അധ്യാപകരും കൂട്ടുകാരും വിദ്യാര്‍ത്ഥിയെ ആളൊഴിഞ്ഞ ക്ലാസ് മുറിയിലേയ്ക്ക് കൊണ്ടുപോയി അശ്ലീല ചിത്രം കാണിച്ച ശേഷം അഞ്ചു പേരും കൂടെ പീഡിപ്പിക്കുകയായിരുന്നുവെന്ന് പൊലീസ് അറിയിച്ചു.
കുട്ടി ബോധരഹിതയായപ്പോള്‍ ഇവര്‍ ആളൊഴിഞ്ഞ പ്രദേശത്ത് ഉപേക്ഷിച്ചു. മാതാപിതാക്കൾ നടത്തിയ തിരച്ചിലിലാണ് കുട്ടിയെ അബോധാവസ്ഥയിൽ കണ്ടെത്തിയത്. കുട്ടിയെ ഇപ്പോൾ ആശുപത്രിയിൽ പ്രവേശിപ്പിച്ചിരിക്കുകയാണ്.
പെണ്‍കുട്ടിയുടെ അമ്മ ആദ്യം പ്രധാനാധ്യപകനോട് പരാതിപ്പെട്ടു. എന്നാല്‍, പൊലീസില്‍ പരാതിപ്പെടാന്‍ പ്രധാനാധ്യാപാകന്‍ വിസ്സമ്മതിച്ചു. അമ്മയോട് പൊലീസില്‍ പരാതിപ്പെടില്ലെന്ന് പ്രതിജ്ഞയെടുപ്പിച്ചാണ് പ്രധാനാധ്യാപകന്‍ വിട്ടതെന്ന് പൊലീസ് പറഞ്ഞു. എന്നാല്‍, സംഭവം പൊലീസ് അറിഞ്ഞ് നേരിട്ടെത്തി മാതാപിതാക്കളില്‍ നിന്ന് മൊഴിയെടുക്കുകയും പരാതി എഴുതി വാങ്ങുകയും ചെയ്യുകയായിരുന്നു.
English Summary: Two teachers and three others gang rape the twelve year old girl.
you may also like this video;
