Web Desk

December 15, 2019, 9:04 pm

കെഎസ്ആര്‍ടിസി ബസും ബൈക്കും കൂട്ടിയിടിച്ച് രണ്ട് യുവാക്കൾ മരിച്ചു

Janayugom Online

മഞ്ചേശ്വരം: ദേശീയപാതയില്‍ കുഞ്ചത്തൂര്‍ പത്താം മൈലില്‍ ബൈക്കും കെഎസ്ആര്‍ടിസി ബസും കൂട്ടിയിടിച്ചുണ്ടായ അപകടത്തില്‍ രണ്ട് യുവാക്കൾ മരിച്ചു. കാസർകോട് കുഡ്‌ലു പച്ചക്കാട്ടെ കുശാല ‑ഉഷ  ദമ്പതികളുടെ മകൻ സുനിൽ (21) കുഡ് ലു കന്നിഗുഡയിലെ പരേതനായ ശിവാനന്ദ — ശാന്ത ദമ്പതികളുടെ മകൻ ജഗദീഷ് (21) എന്നിവരാണ് മരിച്ചത്.

ഞായറാഴ്ച വൈകീട്ട് 3.30 മണിയോടെയാണ് അപകടമുണ്ടായത്. കാസര്‍കോട്ടുനിന്നും മംഗളൂരുവിലേക്ക് പോകുകയായിരുന്ന കെ എ 19 എഫ് 3178 നമ്പര്‍ കര്‍ണാടക ആര്‍ടിസി ബസാണ് അപകടം വരുത്തിയത്. മൃതദേഹങ്ങൾ കാസര്‍കോട് ജനറല്‍ ആശുപത്രി മോര്‍ച്ചറിയിലേക്ക് മാറ്റി. സുനില്‍. പെയിന്റിംഗ് തൊഴിലാളിയാണ്. രാജേഷ്, ഗൗരി എന്നിവര്‍ സഹോദരന്മാരാണ്.  ജഗദീഷ് കാസര്‍കോട് പുതിയ ബസ് സ്റ്റാന്‍ഡില്‍ മൊബൈല്‍ ടെക്‌നീഷ്യനാണ്.

you may also like this video;