June 29, 2022 Wednesday

Latest News

June 29, 2022
June 29, 2022
June 29, 2022
June 29, 2022
June 29, 2022
June 29, 2022
June 29, 2022
June 29, 2022
June 29, 2022
June 29, 2022

മുസ്ലിം യുവാക്കളോട് പൗരത്വം തെളിയിക്കണമെന്ന് യുഐഡിഎഐ

By Janayugom Webdesk
February 19, 2020

ഹൈദരാബാദ് സ്വദേശികളായ മൂന്ന് മുസ്ലിം യുവാക്കളോട് പൗരത്വം തെളിയിക്കാന്‍ ആവശ്യപ്പെട്ട യുണീക്​ ഐഡൻറിഫിക്കേഷൻ അതോറിറ്റിയുടെ നടപടി വിവാദത്തിൽ. പൗരത്വം തെളിയിക്കുന്ന രേഖകളുമായി ഇന്ന് അന്വേഷണ ഉദ്യോഗസ്ഥന് മുന്നില്‍ ഹാജരാകാന്‍ യുഐഡിഎഐ ഇവര്‍ക്ക് നോട്ടീസ് അയച്ചു. ഇവർ ഇന്ത്യൻ പൗരന്മാരല്ലെന്ന്​ പരാതി ഉയർന്നതിനെ തുടർന്നാണ്​ നടപടി. വ്യാജ പ്രമാണങ്ങൾ ഹാജരാക്കിയല്ല ആധാർ കാർഡ് നേടിയതെന്നതിന്​​ തെളിവ് നൽകണമെന്നാവശ്യപ്പെട്ടാണ് ​ അതോറിറ്റിയുടെ ഹൈദരാബാദ്​ റീജണൽ ഓഫീസ് മൂന്നുപേർക്കും​ നോട്ടീസ്​ നൽകിയത്​.

പൗരത്വത്തെക്കുറിച്ച്​ റീജണൽ ഓഫീസ് വിശദ അന്വേഷണം നടത്തും. രേഖകൾ ഹാജരാക്കിയില്ലെങ്കിൽ ആധാർ നമ്പർ റദ്ദാക്കും. അതേസമയം, പൗരത്വം തെളിയിക്കുന്നതിനാവശ്യമായ രേഖകൾ എന്തൊക്കെയാണെന്ന്​ അതോറിറ്റി വ്യക്തമായിട്ടില്ല. 2016ലെ ആധാർ നിയമപ്രകാരം ആധാർ നമ്പറുകൾ വ്യക്തിയുടെ താമസരേഖമാത്രമാണെന്നും പൗരത്വ രേഖയല്ലെന്നും പറയുന്നുണ്ട്​. ഇന്ത്യയിൽ താമസിക്കുന്ന വിദേശികളക്കമുള്ളവർക്ക്​ ആധാറിന്​ ​​അപേക്ഷിക്കാനുള്ള അർഹതയുണ്ട്​. പക്ഷേ ​അപേക്ഷകൻ ഇന്ത്യയിൽ 182 ദിവസമെങ്കിലും താമസിച്ചയാളായിരിക്കണം. സംഭവം വിവാദമായതിനെ തുടർന്ന് യുഐഡിഐയുടെ നടപടി ചോദ്യം ചെയ്ത് നിരവധി പേർ രംഗത്തെത്തിയിട്ടുണ്ട്.

യുഐഡിഎ​ഐക്ക്​ ജനങ്ങളോട്​ പൗരത്വം തെളിയിക്കണമെന്ന്​ പറയാൻ എന്ത്​ അധികാരമാണുള്ളതെന്ന് യുവാക്കളുടെ​ അഭിഭാഷകൻ മുസഫറുല്ല ഖാൻ ഷഫാത്ത്​ ചോദിച്ചു. നിരക്ഷകരരായ തൊഴിലാളി കുടുംബത്തിൽനിന്നുള്ള യുവാക്കൾ ഹൈദരാബാദിൽ താമസിച്ചുവരുന്നവരാണ്​. രേഖകൾ ഹാജരാക്കി പൗരത്വം തെളിയിക്കുമെന്ന് അഭിഭാഷകൻ പറഞ്ഞു. സംഭവം വിവാദമായതോടെ, ഹിയറിങ് മേയിലേക്ക് മാറ്റിവച്ചുവെന്ന് യുഐഡിഎഐ മറ്റൊരു നോട്ടീസില്‍ പറയുന്നു. പൗരത്വം തെളിയിക്കുന്നതിനാവശ്യമായ യഥാര്‍ത്ഥ രേഖകള്‍ ശേഖരിക്കാന്‍ ഇവര്‍ക്ക് സമയം നല്‍കാനാണ് ഹിയറിങ് മാറ്റിവച്ചത് എന്നാണ് അതോറിറ്റിയുടെ പുതിയ വിശദീകരണം.

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.

Comments are closed.