Web Desk

ന്യൂഡൽഹി

January 11, 2020, 2:37 pm

തൊഴിലില്ലായ്മയും ദാരിദ്ര്യവും; ദിവസേന പത്തുപേർ ആത്മഹത്യ ചെയ്യുന്നു

Janayugom Online

തൊഴിലില്ലായ്മയും ദാരിദ്ര്യവുംമൂലം ആത്മഹത്യ ചെയ്യുന്നവരുടെ എണ്ണം വർദ്ധിക്കുന്നു. 2018‑ൽ രാജ്യത്ത് തൊഴിലില്ലായ്മയും ദാരിദ്ര്യവുംമൂലം ആത്മഹത്യ ചെയ്യാൻ നിർബന്ധിതരായത് ദിവസേന ശരാശരി പത്തുപേരാണ് (ഒൻപതു പുരുഷന്മാരും ഒരു സ്ത്രീയും).

2018‑ൽ രാജ്യത്താകെ 1.34 ലക്ഷത്തോളം ആത്മഹത്യകളാണ് റിപ്പോർട്ട് ചെയ്തത്. 2017‑ലേതിൽ(1.3 ലക്ഷം)നിന്ന് 1.3 ശതമാനം അധികമാണിത്. ഇതിനുപുറമേ, മയക്കുമരുന്നിനും മദ്യത്തിനും അടിമയായ 20 പേരും ദിനംപ്രതി ആത്മഹത്യചെയ്തു.

കുടുംബപ്രശ്നങ്ങൾമൂലമുള്ള ആത്മഹത്യ 30. 4 ശതമാനമാണ്. അസുഖംമൂലമുള്ള ആത്മഹത്യ 18 ശതമാനവും വൈവാഹിക പ്രശ്നങ്ങൾമൂലമുള്ളത് 6.2 ശതമാനവുമാണ്.