Web Desk

January 09, 2020, 10:55 pm

കേന്ദ്രബജറ്റ് ഫെബ്രുവരി ഒന്നിന്

Janayugom Online

ന്യൂഡൽഹി: കേന്ദ്ര സർക്കാരിന്റെ ബജറ്റ് സമ്മേളനം ജനുവരി 31 മുതൽ തുടങ്ങും. ജനുവരി 31 മുതൽ ഏപ്രിൽ മൂന്ന് വരെയുള്ള രണ്ട് ഘട്ടങ്ങളിലായബജറ്റ് സമ്മേളനം നടത്തുന്നത്. ജനുവരി 31 മുതൽ ഫെബ്രുവരി 11 വരെ ആദ്യ ഘട്ടവും രണ്ടാമത്തേത് മാർച്ച് രണ്ടു മുതൽ ഏപ്രിൽ മൂന്ന് വരെയും ആണ്. സാധാരണ ഗതിയിൽ രണ്ടു ഘട്ടമായുള്ള ബജറ്റ് സമ്മേളനത്തിന് മുമ്പ് ഒരു മാസത്തെ ഇടവേള പതിവുള്ളതാണ്. വിവിധ മന്ത്രാലയങ്ങൾക്കായുള്ള പദ്ധതി വിഹിതങ്ങൾ വിലയിരുത്താൻ പാ‍ര്‍ലമെന്ററി കമ്മിറ്റിയ്ക്ക് സമയം അനുവദിക്കാനാണ് ഇത് ചെയ്യുന്നത്. ഫെബ്രുവരി ഒന്ന് ശനിയാഴ്ച്ചയാണ് ഇത്തവണ ബജറ്റ് അവതരണം.