ഇറാഖിലും സിറിയയിലും അമേരിക്കൻ വ്യോമാക്രമണത്തിൽ 18 പേര്‍ കൊല്ലപ്പെട്ടു

Web Desk
Posted on December 30, 2019, 11:02 am

ദമാസ്കസ്: സൈനികരെ ലക്ഷ്യമിട്ട് ഇറാഖിലും സിറിയയിലും അമേരിക്ക നടത്തിയ വ്യോമാക്രമണത്തിൽ 18 പേര്‍ കൊല്ലപ്പെട്ടു. അന്‍പതിലേറെ പേര്‍ക്ക് പരുക്കേൽക്കുകയും ചെയ്തു. മൂന്നു തവണയാണ് ഇറാഖില്‍ വ്യോമാക്രമണം ഉണ്ടായത്. സിറിയന്‍ അതിര്‍ത്തിയിലുള്ള സൈനിക കേന്ദ്രത്തിലേയ്ക്കായിരുന്നു ആക്രമണം. മൂന്ന് കേന്ദ്രങ്ങളെയാണ് ലക്ഷ്യം വച്ചതെന്ന് പെന്റഗണ്‍ പിന്നീട് സ്ഥിരീകരിച്ചു. എഫ്–15 യുദ്ധവിമാനങ്ങള്‍ ഉപയോഗിച്ചായിരുന്നു ആക്രമണം. വെള്ളിയാഴ്ച കിര്‍ക്കുക്കിലുണ്ടായ റോക്കറ്റ് ആക്രമണത്തില്‍ അമേരിക്കന്‍ പൗരന്‍ കൊല്ലപ്പെട്ടിരുന്നു.

you may also like this video;