June 30, 2022 Thursday

Latest News

June 30, 2022
June 30, 2022
June 30, 2022
June 30, 2022
June 30, 2022
June 30, 2022
June 30, 2022
June 30, 2022
June 30, 2022
June 30, 2022

മാനസികരോഗത്തിന് ഇനി മൂക്കിനുള്ളില്‍ മരുന്നടി

By Janayugom Webdesk
February 3, 2020

മറ്റ് ചികിത്സകള്‍ക്കൊന്നും വഴങ്ങാതെ കുതറിമാറുന്ന വിഷാദരോഗം അടക്കമുള്ള കടുത്ത മാനസികരോഗങ്ങള്‍ക്ക് മൂക്കിനുള്ളില്‍ മരുന്നടിക്കുന്ന പുതിയ ചികിത്സാ രീതി വരുന്നു. വിഷാദരോഗത്തിന് അത്യുത്തമമാണ് മൂക്കിനുള്ളില്‍ മരുന്നു സ്പ്രേചെയ്യുന്ന ഈ ആത്യാധുനിക ചികിത്സാരീതിയെന്ന് യുഎഇ ആരോഗ്യ രോഗപ്രതിരോധ വകുപ്പ് വെളിപ്പെടുത്തി.

‘എസ്കറ്റാമൈന്‍’ എന്ന ഔഷധമാണ് ഇപ്രകാരം സ്പ്രേ ചെയ്യുക. യുഎസിലെ ഫെഡറല്‍ ഡ്രഗ് അഡ്മിനിസ്ട്രേഷനും യൂറോപ്യന്‍ മെഡിസിന്‍സ് ഏജന്‍സിയും അംഗീകാരം നല്‍കിയ ഈ മരുന്ന് ലോകത്ത് ആദ്യമായി ഉപയോഗിക്കുന്ന ആദ്യത്തെ ചുരുക്കം ചില രാജ്യങ്ങളിലൊന്നായിരിക്കും അബുദാബിയെന്ന് ആരോഗ്യവകുപ്പ് വക്താവ് യൂസഫ് അല്‍ സെര്‍ക്കല്‍ അറിയിച്ചു. കടുത്ത വിഷാദരോഗമുള്ള മാനസികരോഗികളിലാണ് വിദഗ്ധ ഡോക്ടറുടെ മേല്‍നോട്ടത്തില്‍ ആഴ്ചയിലൊരിക്കലോ രണ്ടാഴ്ചയിലൊരിക്കലോ ആയിരിക്കും ഈ ഔഷധപ്രയോഗം.

മാനസികാരോഗ്യ ചികിത്സയുടെയും മാനസികരോഗികളുടെ പുനരധിവാസത്തിന്റെയും ഭാഗമായാണ് എസ്കാറ്റാമൈന്‍ ഔഷധത്തിന് ലൈസന്‍സ് നല്‍കുന്നതെന്നും അദ്ദേഹം വ്യക്തമാക്കി. രോഗിയുടെ അവസ്ഥ സാധാരണഗതിയില്‍ ആകുന്നതുവരെ ചികിത്സ തുടരണം. ഈ ചികിത്സ ദീര്‍ഘകാലം വേണ്ടിവരില്ലെന്നതാണ് മറ്റൊരു സവിശേഷത. പാര്‍ശ്വഫലങ്ങളും ഈ ഔഷധത്തിനില്ലെന്ന പ്രത്യേകതവേറെ. യുഎഇയിലെ പ്രമുഖ ആശുപത്രികളിലെല്ലാം എസ്കാറ്റാമൈന്‍ ചികിത്സാപദ്ധതി ആരംഭിച്ചു കഴി‍ഞ്ഞിട്ടുണ്ട്. ‘സ്‌പ്രവാറ്റോ’ എന്ന ബ്രാന്‍ഡ് നെയിമിലാണ് ജോണ്‍സണ്‍ ആന്‍ഡ് ജോണ്‍സണിന്റെ സഹോദര സ്ഥാപനമായ ജാന്‍സര്‍ ഫാര്‍മസ്യൂട്ടിക്കല്‍സ് ഈ ഔഷധം വിപണിയിലിറക്കിയിരിക്കുന്നത്.

Eng­lish sum­ma­ry: use med­i­cine while nose

you may also like this video

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.

Comments are closed.