December 5, 2022 Monday

Related news

October 21, 2021
October 14, 2021
October 14, 2021
October 13, 2021
October 13, 2021
October 11, 2021
October 11, 2021
October 4, 2021
December 2, 2020
December 1, 2020

ഉത്ര കൊലക്കേസ്: സൂരജ് വനം വകുപ്പിന്റെ കസ്റ്റഡിയിൽ

Janayugom Webdesk
കൊല്ലം
June 17, 2020 5:31 pm

ഉത്ര കൊലക്കേസിൽ ഭർത്താവ് സൂരജിനെയും രണ്ടാം പ്രതി സുരേഷിനെയും പുനലൂർ കോടതി ഏഴ് ദിവസത്തേയ്ക്ക് വനം വകുപ്പിന്റെ കസ്റ്റഡിയിൽ വിട്ടു. പാമ്പിനെ വിലയ്ക്ക് വാങ്ങിയതിനും തല്ലികൊന്നതിനും സൂരജിനെതിരെ വനം വകുപ്പ് കേസ് എടുത്തിരുന്നു. രണ്ടാം പ്രതിയായ സുരേഷിനെതിരെ പാമ്പിനെ പിടിച്ചതിനും വിൽപന നടത്തിയതിനുമാണ് വനം വകുപ്പ് കേസ് എടുത്തിട്ടുള്ളത്. റിമാൻഡിലുള്ള ഇരുവരെയും കസ്റ്റഡിയിൽ വിട്ടു കിട്ടണമെന്ന വനം വകുപ്പിന്റെ അപേക്ഷ പുനലൂർ ഒന്നാം ക്ലാസ് മജിസ്‌ട്രേറ്റ് കോടതിയാണ് അംഗീകരിച്ചത്. ഇരുവരെയും അഞ്ചൽ ഫോറസ്ററ് റേഞ്ച് ഓഫീസിൽ എത്തിച്ചു.

ഉത്ര കൊലപാതക കേസിൽ ശാസ്ത്രീയ പരിശോധനയ്ക്കായി വനം വകുപ്പിന്റെ ഗവേഷകനെ നിയോഗിക്കാൻ ധാരണയായി. ചീഫ് ഫോറസ്ററ് കൺസർവേറ്ററും ഡിജിപിയും തമ്മിൽ നടത്തിയ ചർച്ചയിലാണ് തീരുമാനം എടുത്തത്. എസ്പി ഹരിശങ്കറിന്റെ സാന്നിധ്യത്തിൽ ഡിജിപി ഓഫിസിലായിരുന്നു ചർച്ച. പാമ്പിനെ കൊണ്ട് കടുപ്പിച്ചതിന് കൃത്യമായ തെളിവുകൾ കണ്ടെത്തുകയാണ് ലക്ഷ്യം.

ഇതുവരെ ഉത്ര വധക്കേസിൽ ഭർത്താവ് സൂരജും അച്ഛൻ സുരേന്ദ്രനും പാമ്പ് പിടുത്തക്കാരനായ സുരേഷുമാണ് അറസ്റ്റിലായിട്ടുള്ളത്. സൂരജിന്റെ അമ്മയെ വീണ്ടും ചോദ്യം ചെയ്യാൻ തീരുമാനിച്ചു. മൂന്ന് മാസത്തിനകം കുറ്റപത്രം സമർപ്പിക്കും എന്ന് റൂറൽ എസ്പി ഹരിശങ്കർ അറിയിച്ചു.

Eng­lish sum­ma­ry: Uthra mur­der case fol­low up

You may also like also this video:

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.

Comments are closed.