Web Desk

ന്യൂഡൽഹി

March 26, 2020, 10:33 am

‘കല്ല് തിന്ന് ജീവിക്കാനാവില്ലല്ലോ’;കുഞ്ഞുങ്ങളേയും തോളിലേറ്റി അവർ സ്വന്തം ഗ്രാമങ്ങളിലേക്ക് മടങ്ങുന്നു

Janayugom Online

രാജ്യത്ത് 21 ദിവസത്തെ ലോക്ക് ഡൗൺ പ്രഖ്യാപിച്ചതോടെ ജോലിയും കൂലിയുമില്ലാതെ ചില കുടുംബങ്ങൾ കാൽനടയായി സ്വന്തം നാടുകളിലേക്ക് മടങ്ങുകയാണ്. ഡൽഹിയിൽ നിന്ന് തൊഴിലാളികൾ പലരും ഉത്തർപ്രദേശിലെ തങ്ങളുടെ വീടുകളിലേക്ക് കാൽനടയായി മടങ്ങുന്ന കാര്യം എൻഡിടിവിയാണ് റിപ്പോർട്ട് ചെയ്തത്. കുഞ്ഞുങ്ങളെയും തോളിലേറ്റിയാണ് ഡൽഹിയിൽ നിന്ന് തൊഴിലാളികൾ ഉത്തർപ്രദേശിലെ തങ്ങളുടെ വീടുകളിലേക്ക് മടങ്ങുന്നത്.

തോളിൽ 10 മാസം പ്രായമുള്ള കുഞ്ഞിനേയും ചുമന്നാണ് ബണ്ടി എന്നയാളുടെ യാത്ര. ഒപ്പം ഭാര്യയുടെ കൈ പിടിച്ച് മറ്റൊരു കുഞ്ഞുമുണ്ട്. “ഞങ്ങളെന്ത് കഴിക്കാനാ, കല്ല് തിന്ന് ജീവിക്കാനാവില്ലല്ലോ”- സാധനങ്ങളെല്ലാം തലയിലേന്തി നടന്നു നീങ്ങുന്ന കുടുംബത്തോട് എൻഡിടിവി റിപ്പോർട്ടർ ചോദിച്ചപ്പോൾ ലഭിച്ച മറുപടിയാണ്.

സ്വന്തം ഗ്രാമത്തിൽ കഴിയാനാവുന്നതുപോലെ ഡൽഹിയിൽ തങ്ങളെ ആര് സഹായിക്കുമെന്നാണ് കുടുംബങ്ങളുടെ ചോദ്യം. ” വീട്ടിലാണേൽ റൊട്ടിയും ഉപ്പും കൂടിയാണെങ്കിലും കഴിക്കാമല്ലോ. സമാധാനവുമുണ്ടാകും. ഇവിടെ ഞങ്ങളുടെ കൈവശം ഒന്നുമില്ല. ആരും ഡൽഹിയിൽ ഞങ്ങളെ സഹായിക്കാനുമില്ല”, അവർ പറയുന്നു.

കൂട്ടത്തിൽ ഒരാളായ ബണ്ടിയുടെ വീട് 150 കിലോമീറ്റർ അകലെയാണ്. 10 മാസം പ്രായമുള്ള കുട്ടി ഒരു തോളിലുണ്ട്. അങ്ങനെ മൂന്ന് കുട്ടികളുമായാണ് വീട്ടിലേക്കുള്ള ബണ്ടിയുടെ മടക്കം. കൈയ്യിൽ ഒരു തരി കാശുമില്ല. കഴിക്കാൻ ഭക്ഷണവും.

ENGLISH SUMMARY: Uttar Pradesh fam­i­ly leaves from Del­hi due to lockdown

YOU MAY ALSO LIKE THIS VIDEO